BCC Innovation 2021eko memoria aurkezten dugu

Garrantzitsua da azpimarratzea zein berezia izan den 2021a guretzat. Basque Culinary Centerren 10. urteurrena ospatu dugu. 10 urte horietan: gastronomia Zientzien Fakultatean hezkuntza-proiektua finkatu da, Gastronomiako Zentzumenen Zentro Teknologiko hau sortu da (2018 urtean) eta GOE (Global Open Ecosystem) izeneko ekimen berria sortzen hasi da, honen bidez, erakundea nazioartean talentua erakartzeko gune gisa indartzea espero dugu. Horretarako, 2019 urteaz geroztik, open innovation lan-filosofia gure living lab LABe-n inplementatu zen. Bertan, proban jartzen da sektoreko hainbat erreferentetan finkatu ahal izateko, gastronomiaren etorkizuna gurekin eraikitzen jarrai dezaten.

Hazkunde-urte hauetan, gure diziplina anitzeko lantaldeak (chefak, nutrizioan eta elikagaien teknologian adituak, eta adimen artifizialeko edo big datako teknologoek osatua) gastronomia erabili du gizartearen ongizatean bete-betean eragiten duten ekimenak ikertzeko, berritzeko eta garatzeko.

Aurten, ezin zen bestela izan. 2021ean proiektu zirraragarriak garatu ditugu, eta zentro teknologikoko lan-ildo bakoitza ahalik eta gehien inplikatu eta ahalegindu da helburuak lortzen:

OSASUNAri lotutako hainbat lan-ildoren aldeko apustua egiten dugu: gastronomia osasungarriarekin zahartze osasungarria sustatzeko, osasunaren prebentzioaren edo eta sustapenaren bidez, gizartean elikadura-ohitura osasungarriak sustatuz. Beste aldetik, gastronomia pertsonalizatua eta doitasunekoa, eta gastronomia terapeutikoa hainbat gaixotasun-profiletako beharrizan dietetikoei erantzungo dieten nutrizio-jarraibideak eskaintzeko, gaixotasunaren atxikidura eta pronostiko onena erraztuz. Hainbat dira ikerketa-ildo honetan kokatzen diren proiektuak: "Sukalmena In Age" eta "Cita Go-On".

JASANGARRITASUNAri dagokionez, elikadura-sistema munduak gaur egun aurre egin behar dien erronka handien ardatz gisa ulertzen dugu, bereziki larrialdi klimatiko, ekologiko, sozial eta sanitarioena. Hori kontuan hartuta, "Zero waste" fokuan sakontzen dugu, ingurumen-inpaktua murrizteko jardunbide egokiak bai produktuetan, bai prozesu eta zerbitzuetan ikertuz. Gainera, eredu gastronomiko arrakastatsua eta iraunkorra lortzeko, teknologia digitalak erabiltzen ditugu, ekodiseinuko elementuak produktuetan integratzen ditugu eta biodibertsitatea babesten saiatzen gara. Aurtengo gure proiektuetako batzuk: "Building a green gastronomic city" eta "Arquetipo de Gipuzkoa", besteak beste.

Guretzat, ZENTZUMENEZKO ANALISIA kontsumitzailea ulertzeko ezinbesteko tresna da. Hori dela eta, elikagaien aukeraketarekin eta hautematearekin lotutako prozesuak ulertzen saiatzen gara, egoera pertsonala eta testuingurua kontuan hartuta. 2021ean, lan-ildo honekin lotutako hainbat ikerketa-proiektu izan ditugu, hala nola: "Buru (t) sen" eta "Begi-Digitala".

Gure beste ildoetako bat SUKALDARITZ-ZIENTZIA da, sektoreko hainbat joerari erantzuten saiatzen garen lan-ildoa:

• Paradigma aldaketa: proteina alternatiboak eta elikatzeko modu berriak
• Produktuen jatorria eta gardentasuna
• Osagai berriekiko eta elikadura osasungarriarekiko jakingura

Horrekin lotuta, honako proiektu hauek garatu ditugu: fruta deshidratatuaren sektorean berrikuntza egin teknologia berri batekin, ready-to-eat edo ready-to-heat snak sorta bat sortzea eta Ekuadorko produktuen balorizazioan aktiboki parte hartu dugu.

Etorkizunera egokitzeko ERALDAKETA DIGITALA garatzea ezinbestekoa da. Hortaz, teknologia berrien bidez zereginak automatizatzearen alde egiten dugu, pertsonen, ostalarien, zein bezeroen bizi-kalitatea hobetzeko. Gure LABe (Digital Gastronomy Lab) ekimenaren bitartez, Gipuzkoako Foru Aldundiak babestuta, elkarlanean lan egiten dugu produktu, zerbitzu, soluzio eta teknologia berriak prototipatzeko, probatzeko eta elkarrekin diseinatzeko, jatetxeko esperientzia hobetu ahal izateko. Gainera, testatzeko gune honetan, bezeroekin esperientziak sortzen ditugu, hala nola: Eyetracking edo 3D elikagaien inprimagailuak.

Gastronomiaren etorkizunaren PROSPEKTIBA arloan, "food" eta "rest tech" munduko ekintzaileekin batera lan egin dugu, enpresa-estrategien eta lurralde-politiken diseinuan balioa ematen duten hausnarketak sortuz, non berrikuntza bultzatzen den eta, azken batean, garapen ekonomikoa eta soziala sustatzen den.

Zentro teknologiko gisa, berebiziko garrantzia du DIBULGAZIO ZIENTIFIKOAK, gure ezagutza gizarte osora irits dadin. Beraz, aurten BCC Innovation buru duten bi ekitaldi izan dira: "Iraunkortasunari buruzko X. Jardunaldiak", Gipuzkoako Foru Aldundiarekin batera antolatuak, eta "Gastronomia: etorkizuneko osasuna".

Bestalde, ez dugu ahaztu behar 2021ak bere zailtasunak ere ekarri dituela, bai osasun mailan, bai maila makroekonomikoan. Hala ere, enpresek berrikuntzaren alde egindako apustuari esker (lehiakortasun-formula gisa) eta gure lanean jarritako konfiantzari esker, BCC Innovation-ek aurrerapen eta garapen esanguratsua lortu du Zentro Teknologiko gisa honako hauetan:

• Negozio-bolumena
• Gure ikerketen inpaktua
• Argitalpen zientifikoen kopurua
• Konexio eta aliantza berrien sorkuntza

Behin 2022an sartuta, ilusioz eta energiaz aurre egiten diegun erronka berrietan murgilduta gaude, etorkizun gozo, osasungarri eta iraunkor baten oinarriak elkarrekin eraikitzeko asmoz.

BCC Innovation 2021eko memoria aurkezten dugu

Garrantzitsua da azpimarratzea zein berezia izan den 2021a guretzat. Basque Culinary Centerren 10. urteurrena ospatu dugu. 10 urte horietan: gastronomia Zientzien Fakultatean hezkuntza-proiektua finkatu da, Gastronomiako Zentzumenen Zentro Teknologiko hau sortu da (2018 urtean) eta GOE (Global Open Ecosystem) izeneko ekimen berria sortzen hasi da, honen bidez, erakundea nazioartean talentua erakartzeko gune gisa indartzea espero dugu. Horretarako, 2019 urteaz geroztik, open innovation lan-filosofia gure living lab LABe-n inplementatu zen. Bertan, proban jartzen da sektoreko hainbat erreferentetan finkatu ahal izateko, gastronomiaren etorkizuna gurekin eraikitzen jarrai dezaten.

Hazkunde-urte hauetan, gure diziplina anitzeko lantaldeak (chefak, nutrizioan eta elikagaien teknologian adituak, eta adimen artifizialeko edo big datako teknologoek osatua) gastronomia erabili du gizartearen ongizatean bete-betean eragiten duten ekimenak ikertzeko, berritzeko eta garatzeko.

Aurten, ezin zen bestela izan. 2021ean proiektu zirraragarriak garatu ditugu, eta zentro teknologikoko lan-ildo bakoitza ahalik eta gehien inplikatu eta ahalegindu da helburuak lortzen:

OSASUNAri lotutako hainbat lan-ildoren aldeko apustua egiten dugu: gastronomia osasungarriarekin zahartze osasungarria sustatzeko, osasunaren prebentzioaren edo eta sustapenaren bidez, gizartean elikadura-ohitura osasungarriak sustatuz. Beste aldetik, gastronomia pertsonalizatua eta doitasunekoa, eta gastronomia terapeutikoa hainbat gaixotasun-profiletako beharrizan dietetikoei erantzungo dieten nutrizio-jarraibideak eskaintzeko, gaixotasunaren atxikidura eta pronostiko onena erraztuz. Hainbat dira ikerketa-ildo honetan kokatzen diren proiektuak: "Sukalmena In Age" eta "Cita Go-On".

JASANGARRITASUNAri dagokionez, elikadura-sistema munduak gaur egun aurre egin behar dien erronka handien ardatz gisa ulertzen dugu, bereziki larrialdi klimatiko, ekologiko, sozial eta sanitarioena. Hori kontuan hartuta, "Zero waste" fokuan sakontzen dugu, ingurumen-inpaktua murrizteko jardunbide egokiak bai produktuetan, bai prozesu eta zerbitzuetan ikertuz. Gainera, eredu gastronomiko arrakastatsua eta iraunkorra lortzeko, teknologia digitalak erabiltzen ditugu, ekodiseinuko elementuak produktuetan integratzen ditugu eta biodibertsitatea babesten saiatzen gara. Aurtengo gure proiektuetako batzuk: "Building a green gastronomic city" eta "Arquetipo de Gipuzkoa", besteak beste.

Guretzat, ZENTZUMENEZKO ANALISIA kontsumitzailea ulertzeko ezinbesteko tresna da. Hori dela eta, elikagaien aukeraketarekin eta hautematearekin lotutako prozesuak ulertzen saiatzen gara, egoera pertsonala eta testuingurua kontuan hartuta. 2021ean, lan-ildo honekin lotutako hainbat ikerketa-proiektu izan ditugu, hala nola: "Buru (t) sen" eta "Begi-Digitala".

Gure beste ildoetako bat SUKALDARITZ-ZIENTZIA da, sektoreko hainbat joerari erantzuten saiatzen garen lan-ildoa:

• Paradigma aldaketa: proteina alternatiboak eta elikatzeko modu berriak
• Produktuen jatorria eta gardentasuna
• Osagai berriekiko eta elikadura osasungarriarekiko jakingura

Horrekin lotuta, honako proiektu hauek garatu ditugu: fruta deshidratatuaren sektorean berrikuntza egin teknologia berri batekin, ready-to-eat edo ready-to-heat snak sorta bat sortzea eta Ekuadorko produktuen balorizazioan aktiboki parte hartu dugu.

Etorkizunera egokitzeko ERALDAKETA DIGITALA garatzea ezinbestekoa da. Hortaz, teknologia berrien bidez zereginak automatizatzearen alde egiten dugu, pertsonen, ostalarien, zein bezeroen bizi-kalitatea hobetzeko. Gure LABe (Digital Gastronomy Lab) ekimenaren bitartez, Gipuzkoako Foru Aldundiak babestuta, elkarlanean lan egiten dugu produktu, zerbitzu, soluzio eta teknologia berriak prototipatzeko, probatzeko eta elkarrekin diseinatzeko, jatetxeko esperientzia hobetu ahal izateko. Gainera, testatzeko gune honetan, bezeroekin esperientziak sortzen ditugu, hala nola: Eyetracking edo 3D elikagaien inprimagailuak.

Gastronomiaren etorkizunaren PROSPEKTIBA arloan, "food" eta "rest tech" munduko ekintzaileekin batera lan egin dugu, enpresa-estrategien eta lurralde-politiken diseinuan balioa ematen duten hausnarketak sortuz, non berrikuntza bultzatzen den eta, azken batean, garapen ekonomikoa eta soziala sustatzen den.

Zentro teknologiko gisa, berebiziko garrantzia du DIBULGAZIO ZIENTIFIKOAK, gure ezagutza gizarte osora irits dadin. Beraz, aurten BCC Innovation buru duten bi ekitaldi izan dira: "Iraunkortasunari buruzko X. Jardunaldiak", Gipuzkoako Foru Aldundiarekin batera antolatuak, eta "Gastronomia: etorkizuneko osasuna".

Bestalde, ez dugu ahaztu behar 2021ak bere zailtasunak ere ekarri dituela, bai osasun mailan, bai maila makroekonomikoan. Hala ere, enpresek berrikuntzaren alde egindako apustuari esker (lehiakortasun-formula gisa) eta gure lanean jarritako konfiantzari esker, BCC Innovation-ek aurrerapen eta garapen esanguratsua lortu du Zentro Teknologiko gisa honako hauetan:

• Negozio-bolumena
• Gure ikerketen inpaktua
• Argitalpen zientifikoen kopurua
• Konexio eta aliantza berrien sorkuntza

Behin 2022an sartuta, ilusioz eta energiaz aurre egiten diegun erronka berrietan murgilduta gaude, etorkizun gozo, osasungarri eta iraunkor baten oinarriak elkarrekin eraikitzeko asmoz.

Nola imaginatzen duzu Donostia gastronomiko eta jasangarri bat?

LABe Restaurant-en Donostia nekazaritzako elikagaien komunitatean iraunkortasunarekin eta nortasun gastronomikoarekin zerikusia duten erronkei irtenbidea bilatzeko jardunaldi irekia egingo da herritarrentzat.

Hiriko sektore gastronomikoari lotutako erronkak, aukerak, berrikuntzak eta konponbideak partekatzeko, aztertzeko eta horiei buruz hausnartzeko saioa izango da. BUILDING A GREEN GASTRONOMIC CITY proiektuaren esparruan eginda, BCC Innovationen gidaritzapean eta EIT Food eta EIT Communityk finantzatuta.

Zatoz mahai-inguru batera zure galderak eta egungo elikadura-sistemari buruzko zure ikuspegia azaltzeko, eta gozatu esperientzia gastronomiko paregabeaz LABe Restauranteko 360º-ko murgiltze-gelan!
Denboraldiko eta tokiko pintxoari buruzko ikuspegia emango dizugu!

DATA: AZAROAK 21
ORDUA:  16: 15 - 19:30 
TOKIA: LABe Restaurant
(JARDUNALDI IREKIA ETA DOAKOA)

PROGRAMA
16:15 MAHAI BOROBILA
Sektoreko hainbat esparrutako adituek elikadura-sistemari buruz duten ikuspegia partekatuko dute:
- Gabriela Puntes (Aho-mihi) - CHEF
- Iñaki Alberdi (Oribay Tours) - ARRANTZALEA
- Aitor San Francisco (Bilibin Circular) - JASANGARRITASUNEAN ADITUA
- Hur Astarbe (Sidrería Astarbe) CHEF / PRODUKTOREA
- Inma Batalla (BC3) - IKERTZAILEA
--
18:30 EXPERIENTZIA INMERSIBOA: Udazkeneko demboralitatea
LABe Restauranteko 360º aretoan esperientzia gastronomiko bat diseinatu da, murgiltze-esperientzia baten bidez euskal kultura gastronomikoan hain errotuta dauden denboraldiko produktuak aprobetxatzearen garrantzia azaltzeko.

Ez huts egin!

Asteazken honetan, abenduaren 16an, Basque Culinary Centerren Patronatuak, erakundearen organo gorenak, bilera egin du formatu hibrido presentzial/digitalean, eta guztira 15 pertsona bertaratu dira, besteak beste: Joxe Mari Aizega (BCC), Pedro Subijana (Akelarre), Elena Arzak (Arzak jatetxea), Eneko Atxa (Azurmendi), Bittor Oroz (Eusko Jaurlaritza), Vicente Javier Atxa (Mondragon Unibertsitatea), Javier Larrañaga (Gipuzkoako Foru Aldundia) eta Diego Guerrero (DSTAgE). Urteko topaketan aztertutako gaien artetik 2020ko balantzea nabarmentzen da. Urte zorrotza izan da, zeinetan digitalizazioa, berrikuntza eta talde-lana ezinbestekoak izan diren aurrera egin ahal izateko. Gainera, topaketan 2021eko berrikuntza batzuk ere aurkeztu dira, urte horretan Gastronomia Zientzien Fakultateak, Mondragon Unibertsitateari atxikiak, hamargarren urteurrena beteko baitu.

Aldaketa ugari egin dira urte honetan, eta horien artetik hezkuntza-eredua berriz diseinatzea nabarmendu behar da: praktikoagoa, pertsonalizatua, diziplinartekoa eta etorkizuneko gastronomia arloko profesional baten gaitasun guztiak garatzera bideratua. Halaber, Basque Culinary Centerrek beste aurrerapauso bat eman du bere prestakuntza-planean, eta honako hauek aurkeztu ditu: 2021ean abiaraziko dituen bi master berri (Komunikazio Gastronomikoa Masterra eta Gastronomiako Irakasleen Prestakuntzako Unibertsitate Masterra; espezializaziorako bi ikastaro berri (Farm To Table sukaldaritza eta sukaldaritza-teknikak hobetzeko espezializazioa. Azken hori erabat online izango da); eta profesionalentzako 40 ikastaro berri baino gehiago biltzen dituen katalogoa. Prestakuntza berri horiek guztiak Gastronomia eta Sukaldaritza Arteak Graduari, Doktorego programari, Fakultatean ematen diren 8 masterrei eta gaur egun ematen diren ikastaroei gehitu behar zaizkie.

Horrez gain, azpimarratu behar da 2020an Basque Culinary Centerrek urteko erronkei irtenbide berrien eta bilakaera nabarmen baten bidez egin diela aurre: espazioak berregokitzea, ingurune digital berritzailea, ekimen berriak (besteak beste, "Gastronomia 360º" espazioa) eta proiektuak (besteak beste, "Baratzea" eta "Gastronomy Shapers") izan dira Fakultatean ezarri diren berrikuntzetako batzuk.

Joxe Mari Aizega Basque Culinary Centerreko zuzendari nagusiak adierazi duenez, "2020ak bere onena emateko eskatu dio kolektiboari. Erakutsi dugu Basque Culinary Center osatzen dugun pertsonen sormenari eta grinari esker gai garela edozein erronkari aurre egiteko eta, gainera, gure komunitatearekiko loturak sendotzeko.  Etorkizunean ere pentsatu dugu, eta nola jarrai dezakegun osatzen etorkizuneko gastronomiako profesionalen prestakuntza. Halaber, espero dugu gure 10. urteurrena ospatu ahal izatea eta gastronomiaren ahalmena bermatzen jarraitzea gure filosofiaren arabera, hau da, grinaz, berrikuntzaz, eraldaketa sozialaz eta bikaintasunez".  

Master eta ikastaro berriak

Beste urte batez, Basque Culinary Centerrek bere prestakuntza-eskaintza zabaltzen jarraituko du, sektoreko profesionalek dituzten beharrak asetzeko.

Lehenik eta behin, Komunikazio Gastronomikoa Masterrak 2021eko urtarrilean zabalduko du matrikula-epea eta urrian hasiko da Masterraren orokorra izango da komunikazio gastronomikoaren arloko etorkizuneko profesionalak prestatzea, zeinak edukiak kontzeptualizatzeaz, antolatzeaz eta kudeatzeaz arduratuko diren, batez ere kanal digitalen bidez, bai informazio-hedabideentzat, bai jatetxeentzat, enpresentzat, erakunde publikoentzat eta ekintzailetzako beste erakunde eta ekimen batzuentzat.

Bestalde, Gastronomiako Irakasleen Prestakuntzako Unibertsitate Masterrak hurrengo urteko maiatzean zabalduko du matrikula-epea eta 2022an hasiko da. Helburua da gastronomiako irakasle profesionalak prestatzea.  Mondragon Unibertsitateari atxikitako Humanitate eta Hezkuntza Zientzien Fakultateak eta Gastronomia Zientzien Fakultateak prestakuntza pedagogiko eta didaktiko espezifikoak emango dituzte. Horren bidez, masterreko ikasleek gaitasuna izango dute etorkizuneko erronkei erantzuteko, gastronomiaren esparruko hezkuntza- eta ikerketa-profesional izango diren heinean.

Gainera, zentroak bi espezializazio-ikastaro berri emango ditu.  Farm To Table sukaldaritzari buruzkoa, panorama gastronomikoan indartsuen sartu den joeretako batean oinarritua, ikastaro berezia izango da; izan ere, sukaldaritzako prestakuntza eta baratzezaintza konbinatzeaz gain, sukaldeko teknikak eta joerak erakutsiko dira, eta sistema jasangarrietara eta Zero Waste sistemara hurbilduko da. Bestalde, sukaldaritza-teknikak hobetzeko espezializazio-ikastaro berria erabat online emango da lehenengo aldiz.

Azkenik, Basque Culinary Centerrek sektoreko profesionalei zuzendutako prestakuntza-eskaintza zabala berrituko du; izan ere, 2021eko urtarrilean, 40 ikastaro baino gehiago bilduko dituen katalogo berria argitaratuko du. Ikastaro horien artean, honako berritasun hauek nabarmentzen dira: “Deliveryra egokitutako Eskaintza Gastronomikoa”, “Bosgarren Gama” eta “Esperientzia Berriak Diseinatzeko Metodologia”.

10º. urteurrena

Basque Culinary Center Fundazioak egoitza du Donostian eta gastronomiaren sektorea garatzeko asmo handiko prestakuntza-, ikerketa- eta berrikuntza-proiektu gisa sortu zen. Horregatik, nazioarteko bokazio argia dauka eta bere asmoa gastronomia kudeaketarekin, zientziarekin eta beste diziplina batzuekin lotzea da.

2011ko irailaren 26an, Basque Culinary Centerrek, Zientzia Gastronomikoen lehenengo Fakultateak, bere ateak ireki zizkion Gastronomia eta Sukaldaritza Arteak Graduko lehenengo promozioari. Horrela hasi zen mundu mailan aitzindaria den erakunde akademikoaren bidea.

10 urteko jardunaren ostean, Basque Culinary Center proiektu berezia eta berritzailea da, eta ezagutzaren sektorean eta gastronomiaren sustapenaren sektorean erreferentea izan nahi du. Hiru jarduera nagusi ditu: Zientzia Gastronomikoen Fakultatea, Mondragon Unibertsitatean atxikia; Elikaduraren eta Gastronomiaren Ikerketa eta Berrikuntza Zentroa (BCC Berrikuntza) eta gastronomiaren ekitaldietarako eta sustapenerako plataforma bat.

Fundazioa koordinazio publiko-pribatuaren adibide bikaina izan zen eta izaten jarraitzen du, ezagutzaren sektoreko erakundeek, erakunde publikoek, enpresa pribatuek eta sukaldariek osatzen duten patronatuan gauzatzen dena.

Basque Culinary Centerren 10. urteurrenaren jardueren programa urtarrilaren eta irailaren artean egingo da. Hainbat ekimen eta eduki prestatzen ari dira, komunitateko kideekin batera Basque Culinary Centerren 10 urteko bidea ospatu eta aitortzeko: ikasleak, alumniak, Basque Culinary Centerreko pertsonak, enpresa laguntzaileak, erakundeak, sukaldariak eta gastronomia sektoreko kideak, etab.0}

Basque Culinary Centerren Patronatua

Patronatua Basque Culinary Center Fundazioaren organo gorena da, eta Euskal Autonomia Erkidegoko sukaldaririk ospetsuenetako bederatzik osatzen dute. Honako hauek dira: Juan Mari eta Elena Arzak, Pedro Subijana, Martin Berasategi, Andoni Luis Aduriz, Carlos Arguiñano, Eneko Atxa, Hilario Arbelaitz eta Diego Guerrero. Horiez gain, honako erakunde hauek ere osatzen dute: Eusko Jaurlaritza, Gipuzkoako Foru Aldundia, Donostiako Udala, eta hainbat erakunde, Azti-Tecnalia eta Mondragon Unibertsitatea kasu. Bukatzeko, hainbat enpresa ere badira patronatuko kide, besteak beste, Eroski, Martiko, Covap, Mahou-San Miguel eta Fagor.

Pertsona askok gaur egun bizi duten egoera latzari erantzuteko, Basque Culinary Centerrek gizarte-ekimen berri bat jarri du abian Cáritasekin batera, Gabonetan 1.000 menu banatzeko baztertze arriskuan dauden Gipuzkoako familien artean.

Ekimena Gastronomia eta Sukaldaritza Arteen Graduko ikasleen prestakuntza-programaren barnean egongo da. Horrenbestez, Gastronomia Zientzien Fakultateko ikasle eta irakasleek lehenengo platera, bigarrena eta postrea izango duten mila menu osatuko dituzte. Menuak kaxetan entregatuko dira, delivery formatuan, proiektu honekin lankidetzan ari den Cáritas Gipuzkoaren hainbat ordezkaritzatan, eta, ondoren, Cáritasek hartzaileak hautatu eta elikagaiak banatuko ditu.  

Menuak gabonetako ukitua izango du, eta Cáritas abenduaren 17tik aurrera hasiko da banatzen. Menuan honako hauek izango ditugu: itsaski-krema, txahal erregosia eta txokolatezko brownie bat; guztia pasteurizatuta eta hutsean ontziratuta egongo da, berotu eta hartzeko prest. Horrez gain, jaki bakoitzak dagokion alergenoen informazioa eta kontsumo lehenetsiaren data izango ditu.

Ekimen honen xedea da pandemiak sortutako behar sozialei gastronomiaren aldetik erantzutea eta solidarioak izatea premia duen kolektibo batekin. Gainera, proiektu honi esker, ikasleek orain arte ikasitakoa praktikan jarri ahal izango dute, eta, halaber, pertsonengana hurbiltzeko aukera izango dute, mundu bidezko eta humanoagoa sortzen laguntzeko.  Basque Culinary Centerreko langile zein ikasleek boluntario gisa parte hartuko dute prozesuaren hainbat ataletan, besteak beste, elikagaiak prestatzean, ontziratzean, paketatzean edo bidaltzean.

Basque Culinary Centerreko zuzendaria den Joxe Mari Aizegak adierazi duen moduan, “osasun-krisiaren aurrean, gastronomia sektoreak erantzun solidario eta adorezko erantzun asko eman ditu. Basque Culinary Centerrek ere bere harri-koxkorra ekarri nahi izan du horren data berezian, erakundearen gizarte-konpromisoa eta bertakoen pasioa eta ekintzailetza-espiritua baliatuta”.         

Edonola ere, ekimen hau ez litzateke posible izango Cáritas Gipuzkoa elkartearen laguntzarik gabe.  José Ramón Aramendi zuzendariak adierazi duenez, “Basque Culinary Center-i esker, Gabonetan elikagai gehiago eskaini ahal izango dizkiegu egoera larrian bizi diren pertsonei, urteko garai honetaz gozatzen laguntzeko eta aldi berean, mundu bidezkoagoa eta gizatiarragoa eraikitzen laguntzeko”.

EROSKI eta Basque Culinary Center erakundeek beste lau urterako berritu dute lankidetza hitzarmena, eta horri esker, hainbat proiektu landu eta lankidetzarako esparruak sortuko dituzte gastronomiaren arloan berrikuntza eta formazioa sustatzeko. Sinadura ekitaldian izan dira Joxe Mari Aizega, Basque Culinary Centerreko zuzendari nagusia, eta Mikel Larrea, EROSKIko idazkari nagusia.

EROSKIk eta Basque Culinary Centerrek 2011n sinatu zuten lehenengoz lankidetza hitzarmena, Gastronomiako Fakultatea ireki zutenean, hain zuzen. Bi erakundeek sendotu egin dute elkarrekin proiektuak eta ekimenak lantzeko konpromisoa, eta formazioan eta ikerkuntzan jarri nahi dute indarra, gastronomiaren inguruko ezagutza gizarteratzeko, besteak beste gazteen eta familien artean, osasuna eta iraunkortasuna erdigunean jarrita. 

Beste lan ildo estrategiko bati ere ekin diote EROSKIk eta Basque Culinary Centerrek, kontzeptu gastronomikoen berrikuntzari, eta apustu egin dute bi erakundeetako profesionalek elkarrekin landuko dituzten proiektuen alde.

"Bi erakundeok hasieratik egin dugu elikadura osasungarri eta iraunkorraren aldeko ahalegina, horixe eskatzen baitute kontsumitzaileek ere, gero eta informazio gehiago eta hobea daukatenez, eta berezko ahalegin horren ondorio da Basque Culinary Centerrekin daukagun hitzarmena berritzea. Sendotu egin dugu gure harremana, eta horrek aukera emango digu proiektu berriei heltzeko garapenaren, formazioaren eta informazioaren arloetan", azaldu du Mikel Larreak, EROSKIko idazkari nagusiak.

"Gastronomiari lotutako formazioa, berrikuntza, ikerkuntza eta dibulgazioa jardun-eremu estrategikoak dira eta Basque Culinary Centerren muin-muinean daude. 2011. urteaz geroztik, gastronomiaren eta elikaduraren ikuspegi bat partekatzen dugu EROSKIrekin, eta geroztik hainbat proiektutan gauzatu da. Hitzarmen hau berrituta, sendotu egin da gure harremana eta etorkizuneko erronkei aurre egiteko konpromiso benetakoa", adierazi du Joxe Mari Aizegak, Basque Culinary Centerreko zuzendari nagusiak.

Elkarren arteko proiektuak

EROSKI eta Basque Culinary Center lankidetzan ari dira, eta horrela gauzatu dituzte produktuen kalitatearekin zerikusia duten zenbait proiektu, elikadura osasungarriaren inguruko programa didaktikoak eta berrikuntza proiektuak.

Zehazki, Basque Culinary Centerrek modu aktiboan parte hartzen du SELEQTIA markako gourmet produktuei testak egiten. Goi mailako produktu horiek dastatu egiten dituzte BCC Innovation saileko kideek eta horien ezaugarri organoleptikoak behatzen dituzte; gastronomiaren arloan aritzen den lehen Zentro Teknologikoa da munduan, eta adituak dira elikagaiak zentzumenen bidez aztertzen.  Era berean, I+G+b proiektuetan ere lankidetzan ari dira bi erakundeak, garapen teknologikoa, berrikuntza eta sustapena landu eta balio erantsia duten produktuak lortzeko.

Bestalde, EROSKI eta Basque Culinary Center eskuz esku ari dira Elikadura eta Ohitura Osasungarriei buruzko Heziketa Programa lantzen (PEAHS); programa arrakastatsua da,EROSKIren Elikadura Eskolak antolatua, eta ikasturte honetan formatu digitalerako egokitu behar izan dugu, pandemia egoera honetan ere ikastetxeek sarbidea eduki dezaten. Heziketa programa horren helburua da neska-mutikoak eta haien inguruak sentsibilizatzea, ohar daitezen zein garrantzitsua den modu orekatuan elikatzea eta bizi ohitura osasungarriak izatea. Programa horren barrenean, "Ikasgelako sukaldaria" tailer digitalaren bertsio berria landuko da, orain arte aurrez aurre eskaini baita Euskal Autonomia Erkidegoko eta Nafarroako hainbat lekutan (1.500 ikaslek baino gehiagok parte hartu dute). Digitalizazioari esker, Estatu osoko neska-mutilengana iritsi ahalko gara eta irismen handiagoa izango dugu gastronomiaren inguruko ezagutza zabaltzeko.

Lankidetza estua pandemia garaian

COVID-19aren krisiak aukera bat ekarri digu bi erakundeoi eduki batzuk formatu digitalean eskaintzeko: adibidez, sukaldaritzako tekniken INNOVARÉ heziketa programa, non bideo batzuekin azaltzen zen nola erabili sukaldaritzako teknika berezi batzuk, esaterako papillote erakoa edo hartzidura bidezkoak, edo FAMILIA CHEF formazio proiektua, zeina EROSKI club-eko bazkide diren familiei eskaintzen zaien, ongi pasatuz ikas dezaten.

Berrikitan, gainera, dibulgazio proiektu berri bat jarri da martxan, "EROSKI Suma", eta horren helburua da zenbait eragile elkartzea elikadurari eta gastronomiari eragiten dioten gaiak lantzera, gaurkotasuna dutenak, estrategikoak direnak edo gizartean kezka sortzen dutenak, eztabaidarako guneak sortu eta ezagutza partekatzeko.

Azaroaren 19an eta 20an, Basque Culinary Centerrek eta FRUTOk ekimen berezi eta paregabe bat eskainiko dute, gastronomiak iraunkortasunaren arloan duen eraginari buruz hausnartzeko eta belaunaldi gazteak behar ditugun aldaketen munduan engaiatzeko

Informazio gehiago eta Izen ematea: https://sustainability.bculinary.com

Aldaketa sakonen garaiotan, Basque Culinary Centerrek, BCCInnovation-en eskutik, eta FRUTOk iraunkortasunari buruz hitz egiteko beharra ekarri dute mahai gainera, baita gastronomia sektorea etorkizunak dakartzan ingurune‑, ekonomia‑ eta gizarte‑errealitateekin konektatzeko beharra ere. Hori guztia nazioarteko adituen eskutik, eta ekintzari begirako dinamika bizien bitartez egingo da. Esperientziak trukatzeko, ezagutza partekatzeko eta lan‑tresnak eskaintzeko xedez, datorren azaroaren 19an eta 20an nazioarteko online jardunaldi bat egingo da, jende guztiarentzat irekita, kolektiboki kontzientziatzeko gastronomiak duen eraginaz, elikagaien ahalmen eraldatzailea ulertzen denean. Horrek, garai hauetan, garapen iraunkorreko ereduen aldeko apustua egitea dakar. 

Hitzaldien eta tailerren bitartez, ekitaldi horrek dei egiten die sektore horretako profesionalei, eztabaida horrenganako interesa duten pertsonei, eta, batez ere, munduko eremu askotako gazteei, zeintzuei gure ekoizpen eta kontsumo moduen aldaketaren parte izateko deialdia egin zaien.

“Gizakien eta elikagaien arteko harremana aldatu beharra dugu. Sinesgaitza iruditzen bazaigu ere, hamarkada gutxi batzuen buruan, gure eguneroko bizitzan eragin sakona izango duen neurrigabeko arazoa hautemango dugu. Gero eta nabariagoa eta ezinbestekoagoa da sukaldarien rola, baina baita sektore horretako balio‑katea osatzen duten pertsona guztiena ere. Premiazkoa da ekintza iraunkorrak gauzatzen hastea, eta ulertzea elikagaiak, osasun‑iturri izateaz gain, jakintza‑, historia‑ eta kultura‑iturri ere badirela. Berebizikoa da belaunaldi berriak engaiatzea eta haiei ahotsa ematea”, adierazi du FRUTOren sortzaile Alex Atalak. 

D.O.M jatetxeko chefa egongo da honako kide hauek biltzen dituen zerrendan: Douglas McMaster (Silo, BH), Matt Orlando (Amass, Danimarka), Tracy Chang (Pagu, AEB), Selassie Atadika (Midunu, Ghana), Oliver Holt (Kitchen Farming Project, AEB) eta Jaime Rodríguez (proyecto Caribe, Kolonbia). Horietaz gain, diziplina anitzetan aditu diren batzuk ere izango dira, esaterako, Miles Irvin etnobotanikoa (BH), Chido Govera aktibista (Zimbabwe), Elsa Yranzo diseinatzailea (Espainia), Carolyn Steel arkitektoa (BH), Camille Etienne ingurumen arloko aditua eta Pamela Coke‑ Hamilton (International Trade Centre), beste hainbaten artean. 

“Aurtengoaren moduko urte ezohikoan, ezin dugu iraunkortasunaren eztabaida bistatik galdu; aitzitik, asko eskatzen duen testuinguru konplexu batean kokatu behar dugu, eta gastronomiak gai izan behar du ekidin ezingo ditugun eraldaketa prozesuetara batzeko, aktiboki eta sormenarekin”, adierazi du Jose Mari Aizegak, Basque Culinary Centerreko zuzendariak. Aizeagari jardunaldi honetara deitu zaio aztertzeko nola “murriztu, konpondu, berreskuratu, berrerabili, eta birziklatu, baita janariarekiko elkarrekintza ereduak nola berriro pentsatu eta irudikatu ere”. 

José Ignacio Asensio Gipuzkoako Foru Aldundiko Ingurumen diputatuak azaldu du ostalaritza dela tokiko ekonomia- eta lan-motor garrantzitsuenetako bat, eta, era berean, ingurumenean eragin handia duen sektorea dela. «Sektore horri lagundu behar diogu, iraunkortasunean aurrera egin dezan, eta ingurumen-inpaktu txikiagoa, baliabideen kontsumo txikiagoa eta hondakin gutxiago sortzen dituen sektore gisa eraiki dadin», adierazi du foru-arduradunak.

Programan, beste gai askoren artean, honako hauek jorratuko dira: ekonomia zirkularra, biodibertsitatea, baliabideen maneiu efizientea, food design, kontsumoa, giza antolakuntza, hiriko ortu eta soroak, nowaste sukaldaritza, aktibismoa eta politika publikoak. Izena emateko epea irekita egongo da gaurtik aurrera, urriak 28, https://sustainability.bculinary.com webgunean. Zuzenean transmitituko da 4 hizkuntzatan, Zoom eta Youtube plataformen bidez (azken honetan itzulpenik gabe eta lehen egunean bakarrik). 

“Ekintza horrek belaunaldi honen rola fokuratuko du, baina, batez ere, belaunaldi berriena ere: elikagaiek giza harremanetan duten balioa nabarmentzen duten elikadura‑sistema osoko sukaldari eta eragileena, betiere diziplina anitzeko ikuspuntu kultural, sozial eta politikotik… Izan ere, gastronomia eraldaketa tresna garrantzitsua delako uste osoa dugu”, gehitu du Felipe Ribenboim FRUTO | diálogos do alimento mintegiaren sortzaileetako bat.

Alex Atala chef brasildarrak eta Felipe Ribenboimek elikagaien inguruko eztabaida globalak sustatzeko FRUTO izeneko plataformaren eta Basque Culinary Centerren (Donostia‑San Sebastiánen ereindako prestakuntza eta berrikuntza zentroa) arteko elkarlanetik sortu da Donostiako Iraunkortasun Jardunaldiaren 9. edizioa. Hori guztiori, Gipuzkoako Foru Aldundiaren finantzaketarekin eta Aquanaria eta Mahou‑San Miguel enpresen lankidetzarekin.  

Informazio gehiago eta izen ematea: https://sustainability.bculinary.com

Aldaketa sakonen garaiotan, Basque Culinary Centerrek eta FRUTOk iraunkortasunari buruz hitz egiteko beharra ekarri dute mahai gainera, baita gastronomia sektorea etorkizunak dakartzan ingurune‑, ekonomia‑ eta gizarte‑errealitateekin konektatzeko beharra ere. Hori guztia nazioarteko adituen eskutik, eta ekintzari begirako dinamika bizien bitartez egingo da. 

Esperientziak trukatzeko, ezagutza partekatzeko eta lan‑tresnak eskaintzeko xedez, datorren azaroaren 19an eta 20an nazioarteko online jardunaldi bat egingo da, jende guztiarentzat irekita, kolektiboki kontzientziatzeko gastronomiak duen eraginaz, elikagaien ahalmen eraldatzailea ulertzen denean. Horrek, garai hauetan, garapen iraunkorreko ereduen aldeko apustua egitea dakar. 

Hitzaldien eta tailerren bitartez, ekitaldi horrek dei egiten die sektore horretako profesionalei, eztabaida horrenganako interesa duten pertsonei, eta, batez ere, munduko eremu askotako gazteei, zeintzuei gure ekoizpen eta kontsumo moduen aldaketaren parte izateko deialdia egin zaien.

“Gizakien eta elikagaien arteko harremana aldatu beharra dugu. Sinesgaitza iruditzen bazaigu ere, hamarkada gutxi batzuen buruan, gure eguneroko bizitzan eragin sakona izango duen neurrigabeko arazoa hautemango dugu. Gero eta nabariagoa eta ezinbestekoagoa da sukaldarien rola, baina baita sektore horretako balio‑katea osatzen duten pertsona guztiena ere. Premiazkoa da ekintza iraunkorrak gauzatzen hastea, eta ulertzea elikagaiak, osasun‑iturri izateaz gain, jakintza‑, historia‑ eta kultura‑iturri ere badirela. Berebizikoa da belaunaldi berriak engaiatzea eta haiei ahotsa ematea”, adierazi du FRUTOren sortzaile Alex Atalak. 

D.O.M jatetxeko chefa egongo da honako kide hauek biltzen dituen zerrendan: Douglas McMaster (Silo, BH), Matt Orlando (Amass, Danimarka), Tracy Chang (Pagu, AEB), Selassie Atadika (Midunu, Ghana), Oliver Holt (Kitchen Farming Project, AEB) eta Jaime Rodríguez (proyecto Caribe, Kolonbia). Horietaz gain, diziplina anitzetan aditu diren batzuk ere izango dira, esaterako, Miles Irvin etnobotanikoa (BH), Chido Govera aktibista (Zimbabwe), Elsa Yranzo diseinatzailea (Espainia), Carolyn Steel arkitektoa (BH), Camille Etienne ingurumen arloko aditua eta Pamela Coke‑ Hamilton (International Trade Centre), beste hainbaten artean. 

“Aurtengoaren moduko urte ezohikoan, ezin dugu iraunkortasunaren eztabaida bistatik galdu; aitzitik, asko eskatzen duen testuinguru konplexu batean kokatu behar dugu, eta gastronomiak gai izan behar du ekidin ezingo ditugun eraldaketa prozesuetara batzeko, aktiboki eta sormenarekin”, adierazi du Jose Mari Aizegak, Basque Culinary Centerreko zuzendariak. Aizeagari jardunaldi honetara deitu zaio aztertzeko nola “murriztu, konpondu, berreskuratu, berrerabili, eta birziklatu, baita janariarekiko elkarrekintza ereduak nola berriro pentsatu eta irudikatu ere”. 

José Ignacio Asensio Gipuzkoako Foru Aldundiko Ingurumen diputatuak azaldu du ostalaritza dela tokiko ekonomia- eta lan-motor garrantzitsuenetako bat, eta, era berean, ingurumenean eragin handia duen sektorea dela. «Sektore horri lagundu behar diogu, iraunkortasunean aurrera egin dezan, eta ingurumen-inpaktu txikiagoa, baliabideen kontsumo txikiagoa eta hondakin gutxiago sortzen dituen sektore gisa eraiki dadin», adierazi du foru-arduradunak.

Programan, beste gai askoren artean, honako hauek jorratuko dira: ekonomia zirkularra, biodibertsitatea, baliabideen maneiu efizientea, food design, kontsumoa, giza antolakuntza, hiriko ortu eta soroak, nowaste sukaldaritza, aktibismoa eta politika publikoak. Izena emateko epea irekita egongo da gaurtik aurrera, urriak 28, https://sustainability.bculinary.com webgunean. Zuzenean transmitituko da 4 hizkuntzatan, Zoom eta Youtube plataformen bidez (azken honetan itzulpenik gabe eta lehen egunean bakarrik). 

“Ekintza horrek belaunaldi honen rola fokuratuko du, baina, batez ere, belaunaldi berriena ere: elikagaiek giza harremanetan duten balioa nabarmentzen duten elikadura‑sistema osoko sukaldari eta eragileena, betiere diziplina anitzeko ikuspuntu kultural, sozial eta politikotik… Izan ere, gastronomia eraldaketa tresna garrantzitsua delako uste osoa dugu”, gehitu du Felipe Ribenboim FRUTO | diálogos do alimento mintegiaren sortzaileetako bat.

Alex Atala chef brasildarrak eta Felipe Ribenboimek elikagaien inguruko eztabaida globalak sustatzeko FRUTO izeneko plataformaren eta Basque Culinary Centerren (Donostia‑San Sebastiánen ereindako prestakuntza eta berrikuntza zentroa) arteko elkarlanetik sortu da Donostiako Iraunkortasun Jardunaldiaren 9. edizioa. Hori guztiori, Gipuzkoako Foru Aldundiaren finantzaketarekin eta Aquanaria eta Mahou‑San Miguel enpresen lankidetzarekin.  

Informazio gehiago eta izen ematea: https://sustainability.bculinary.com

Gastronomiak aurrerapauso handia eman du bere onarpen zientifikoan, izan ere, International Journal of Gastronomy and Food Science (IJGFS) aldizkariak inpaktu-indize historikoa lortu du, eta gastronomia argitalpen zientifikoen munduan sartzea lortu duen lehen aldizkari bihurtu da. Azken urtean aldizkariaren inpaktu-indizea % 65 baino gehiago handitu eta 2,186ko inpaktu-faktorea lortu ondoren, Elsevier argitaletxearen aldizkari gastronomiko-zientifikoak, gainditu egin du aldizkari zientifikoekin lehiatzeko erronka, eta ospe handia lortu du, gastronomia kalitate-maila horretan kokatu baitu. Aldizkariko argitaratzaileen burua Juan Carlos Arboleya da, Basque Culinary Centerreko irakaslea.
 
IJGFS 2012an sortu zen, Mugaritzek eta AZTIk sustatuta, eta Elsevier munduko literatura zientifikoko argitaletxerik handienak argitaratu zuen. Basque Culinary Center ere aldizkariaren sustatzaile bihurtu zenean, bost kontinenteetako sukaldari eta zientzialarientzako erreferentziazko komunikazio-gune izan nahi zuen, ikuspegi zientifikoa kontuan hartuta, eta badirudi azkenean lortu duela.
 
Hori dela eta, sustatzaileek eta argitaletxeak mintegi digital bat egingo dute urriaren 22an, aditu nabarmenen eskutik argitalpenaren historia ezagutzeko.
 
«International Journal of Gastronomy and Food Science: when culinary arts and research collide» izenburua du online egingo den ekitaldiak eta ingelesez eta gaztelaniaz aurkeztuko dute International Journal of Gastronomy and Food Science (IJGFS) aldizkariaren ibilbidea. Gastronomiaren eta elikagaien zientziaren elkarrekintzari buruzko ikerketa-aldizkari indexatu bakarra da, eta sektore gastronomiko-zientifikoko profesionalak, argitaratzaileak eta kolaboratzaileak biltzen ditu.
 
Hainbat adituk aldizkariaren jatorria, sorrera eta proiektua nola garatu zen azalduko dute, eta aldizkariaren egungo jarduna aurkeztuko da, argitalpen akademikoaren faktore garrantzitsuak nabarmenduta. Hauek dira parte hartuko duten adituak: Andoni Luis Aduriz, Mugaritz jatetxekoa eta IJGFSko ohorezko argitaratzailea; Rogelio Pozo, AZTIko zuzendari nagusia; Joxe Mari Aizega, Basque Culinary Centerreko zuzendari nagusia; Juan Carlos Arboleya, Basque Culinary Centerreko irakaslea eta IJGFS aldizkariko argitaratzaileen burua; Morgane Dagot, Elsevier argitaletxeko argitaratzailea; Dani Lasa Imago komunitateko kidea eta IJGFS aldizkariko argitaratzaileen buru ohia, Jorge Ruiz, Extremadurako Unibertsitatekoa eta IJGFSko argitaratzaile elkartua; Charles Spence, Oxfordeko Unibertsitateko irakaslea eta IJGFSko argitaratzaile elkartua; Jozef Youssef, Kitchen Theoryko sukaldaria eta IJGFSko kidea; eta Julián Otero, Mugaritzeko I + G arloko kidea. Gainera, aurkezpenen ondoren, zientziaren eta gastronomiaren arteko elkarreraginaren etorkizunari buruzko eztabaida irekia egongo da, eta bertaratzen direnek hizlariei galderak egiteko aukera izango dute.           

Mintegiaren helburua, besteak beste, mundu zientifikoak zein gastronomikoak zientziaren eta sukaldaritzaren arteko elkarreragina nola alda dezakeen zehaztea izango da, eta horretarako aldizkariaren hainbat alderdi eztabaidatuko ditu, hala nola: ideia nola sortu zen, emandako pausoak, proiektuaren konplexutasuna, sarearen edo komunitatearen sorrera, jatetxeentzako eta mundu zientifikoarentzako dakartzan ondorioak, mundu akademikoa proiektuan sartzea eta inplikatzea edo aldizkariak Basque Culinary Centerrentzat duen garrantzia.
 
Horrez gain, IJGFS aldizkariko inpaktu-indizeak duen garrantziaren inguruan hitz egingo da. Bertan, parte-hartzaileek ikuspuntu teknikoak partekatuko dituzte, inpaktu-indizea indartzeko eta artikuluen kalitatea handitzeko ekintzak proposatzeaz gain. Azkenik, zientziaren eta sukaldaritzaren arteko harremanaren etorkizunari buruzko eztabaida irekia egingo da, eta eztabaidatu egingo da aldizkariak nola lagundu dezakeen harreman horretan eragiten.
 
International Journal of Gastronomy and Food Science: when culinary arts and research collide -  PROGRAMA
 
EGUNA: Urriaren 22a
Ordua: 17:00 (CEST)
Kanala: Zoom
Hizkuntzak: Ingelesa/Gaztelania (aldibereko itzulpena egongo da)
Moderatzailea: Juan Carlos Arboleya (BCC; IJGFS aldizkariko argitaratzaileen burua)
 
1. ZATIA: Erakundeen arteko eztabaida (30 minutu)
Parte-hartzaileak: Joxe Mari Aizega (BCC), Andoni Luis Aduriz (Mugaritz), Rogelio Pozo (AZTI), Morgane Dagot (Elsevier).
 
2. ZATIA: Aldizkariari buruzko eztabaida teknikoa (30 minutu)
Parte-hartzaileak: Dani Lasa (Imago), Jorge Ruiz (Extremadurako Unibertsitatea),
Julián Otero (Mugaritz), Jozef Youssef (Kitchen Theory) eta Charles Spence (Oxford University).
 
Eman izena dohainik hemen.
 

‘ARZAK Since 1897’ filmak inauguratuko du Culinary Zinema

Saileko beste bi mundu-estreinaldiak 'Camí lliure / Free Way' eta 'La receta del equilibrio' izango dira Donostia Zinemaldiak Sundancen emandako eta Cannesko 2020ko hautaketa ofizialean sartutako 'The Truffle Hunters' filmaren nazioarteko estreinaldia hartuko du

Gaikako afariak Basque Culinary Centerren egingo dira eta hamabi chef ospetsuk hartuko dute parte horietan.

ARZAK Since 1897, Asier Altunak Juan Mari Arzak eta haren alaba Elenaren jatetxeari buruz egindako dokumentalak irekiko du Culinary Zinema saila, zeinak Donostia Zinemaldiaren 68. edizioan beste hiru film luze gehiago izango baititu. Ángel Parraren Camí lliure / Free Way filmean ere familiak garrantzi handia du, eta Raül Balam eta haren ama Carme Ruscalleda chefen arteko harremana erakusten da bertan; Óscar Bernàcerren La receta del equilibrio filmak, berriz, Ricard Camarena sukaldariaren erronka berria agerian uzten digu: konfinamenduaren ondoren bere lokalak irekitzea, hain zuzen. Azkenik, Michael Dweck eta Gregory Kershaw zinemagileen The Truffle Hunters izango dugu, Piemonteko (Italia) trufa zuri gutiziatuaren bila ibili ohi diren adineko pertsona batzuen deskribapena, hain zuzen.

ARZAK Since 1897, Camí lliure / Free Way eta La receta del equilibrio mundu-estreinaldi gisa emango dira Donostian, eta The Truffle Hunters, ordea, nazioarteko estreinaldia izango da.

Asier Altuna (Bergara, Gipuzkoa. 1969) Zinemaldira itzuliko da, hainbat aldiz parte hartu ondoren: Sail Ofizialean Amamarekin (Irizar Saria, 2015) lehiatu zen, Bertsolari (2011) lehiaketaz kanpo aurkeztu zuen eta New Directors sailean eta Euskal Zinemaren Galan Aupa Etxebeste! (Gazteriaren Saria, 2005) eta Agur Etxebeste! (2019) –biak Telmo Esnalekin batera zuzenduak– aurkeztu zituen, hurrenez hurren. ARZAK Since 1897, 2018an Lau Haizetara Dokumentalen Koprodukzio Foroan parte hartu zuena, sukaldaritza tradizionalak egile-sukaldaritza berri bihurtzeraino izandako prozesua aztertzen du, Juan Mari eta haren alaba Elena dira filmeko pertsonaia nagusiak, baina beste sukaldari batzuk ere ageri dira, besteak beste, Ferran Adrià, Pedro Subijana, Joan Roca, Karlos Arguiñano, Andoni Luis Aduriz eta Dabiz Muñoz.

Bestalde, Ángel Parrak (Madril, 1978) Raül Balam sukaldari katalanaren gainditze-istorioa azaltzen digu Camí lliure / Free Way filmean; izan ere, droga-adikzioak gainditu ostean, bere ama Carme Ruscalledaren jatetxe ospetsua zuzentzeko aukera izan zuen, baina bere bideari jarraitzeko eskaintzari uko egin zion. TVEko errealizadore gisa ardura handiko zereginak zituen bitartean, Angel Parrak zinema gastronomikoa ezagutzeko aukera izan zuen Eneko Atxa eta Jiro Ono sukaldariei buruzko Soul (2017) dokumentalean.

Fikziozko eta ez-fikziozko hainbat lanen egile, Óscar Bernàcer (Palma, Espainia, 1978) jada aritu da lankidetzan Ricard Camerenarekin Cuineres i cuiners telesail dokumentalaren hiru denboralditan. Orain, La receta del equilibrio filmean berriz ere izango du chef valentziarra; konfinamenduaren ondoren sukaldariak bere jatetxeak berriro irekitzeko izandako erronka gogorra islatzen da film horretan, baita bere baratzeak, pandemiaren eraginpetik kanpo, bere hazkunde-ziklo naturalari jarraitzen diola ere.

Michael Dweck (Brooklyn, New York) eta Gregory Kershaw (Utica, New York) estatubatuarrak berriro elkartu dira, The Last Race (2018) –elkarrekin zuzendutako lehen film luzea– zuzendu ondoren, The Truffle Hunters sortzeko, Sundance Zinemaldian estreinatu zuten filma, eta Cannesko 2020ko hautaketa ofizialean ere sartu zen, nahiz eta azkenean aurtengo edizio hori bertan behera utzi den, COVID-19aren eraginez. Txakurrekin batera Piemonteko (Italia) basoetan Albako trufa zuri arraro eta preziatuaren bila arakatzen ibili ohi diren laurogei bat urteko gizon batzuei jarraipena egiten die filmak.

AFARI TEMATIKOAK

Lau filmekin batera, afari tematikoak antolatuko dira Basque Culinary Centerren irailaren 21etik 24ra. Baterako sarrerak (emanaldietarako eta afarietarako) datorren ostiralean –irailaren 4an–  9:00etan jarriko dira salgai, 70 euroren truke, Zinemaldiaren eta Kutxabanken webguneen bidez. Filmak ikusteko sarrerak 7,90 euroko prezioan jarriko dira salgai; irailaren 14tik aurrera erosi ahalko dira 21eko, 22ko eta 23ko emanaldietarako sarrerak, eta 15etik aurrera, berriz, irailaren 24ko saiorako sarrerak.

ARZAK Since 1897 filmari dagokion inaugurazio-afaria (irailak 21) Arzaken prestakuntza jaso eta lan egin duten zazpi chef ezagunen eskutik izango da. Juan Mari eta Elena Arzakek sortutako unibertsoa berriz bisitatuko duen talde-afari bat izango da, omenaldi gisa pentsatua. Hona hemen afarian parte hartuko duten sukaldariak: Leóngo Cocinandos jatetxeko (Michelin izar bat) Yolanda León eta Juanjo Pérez, Murtziako La Cabaña jatetxeko (bi Michelin izar) Pablo González, Donostiako Xarma jatetxeko Xabier Diez, Donostiako Gatxupa jatetxeko Bruno Oteiza, Huelvako Acánthum jatetxeko (Michelin izar bat) Xanty Elías eta Basque Basque Culinary Centerreko irakasle eta hamaika urtez Arzak Jatetxeko sukaldeburu Fernando Bárcena.

Hilaren 22ko afaria Ricard Camarenak emango du. Bi Michelin izarreko Ricard Camarena Restaurant jatetxeko sukaldari valentziarrak bere proposamen gastronomikoa –zaporean eta produktua errespetatzean funtsatua– azalduko du. Sukaldaritza sortzailea da Camarenarena, tradizioarekin konprometitua eta eragin kosmopolitekin, mediterraneotasunarekin eta urtarokotasunarekin zipriztindua. 2018an, Sukaldeburu onena (Gastronomiako Sari Nazionala) izendatu zuen Camarena Real Academia de Gastronomía erakundeak.

Hilaren 23an, Kanpezuko (Araba) Arrea! jatetxeko Edorta Lamo, Soriako Baluarte jatetxeko (Michelin izar bat) Óscar García eta Madrilgo Don Giovanni jatetxeko Andrea Tumbarello chefek trufaren inguruko afari original bat emango dute. Hiru lurraldetako –Piemonteko, Soriako eta Arabako– eta hiru motatako trufetan islatutako hiru ikuspegi gastronomiko desberdin.

Raül Balamek –Carme Ruscalledaren seme eta Momentseko (bi Michelin izarreko jatetxea, Bartzelonan kokatua) sukaldariak–, Culinary Zinemaren edizio honi amaiera emango dion afaria eskainiko du. Carme Ruscalledak sortutako San Pau jatetxearen kontzeptua –El Maresmeko sasoiko produktuetan inspiraturiko sukaldaritza katalan modernoa– jasotzen duen gune gastronomikoa da Moments. Kataluniako sukaldaritza modernoa da.

Afariak COVID-19aren aurkako segurtasun- eta higiene-protokolo zorrotz baten eraginpean diseinatu dira. Afarietan (bai sukaldean, bai aretoan) parte hartuko duten profesionalek NBE espezifikoak eramango dituzte, gel hidroalkoholikoaren banagailuak egongo dira hainbat tokitan, jankideentzako sarrera-fluxu ugari prestatu dira, kutsadura gurutzatua saihesteko, eta afarietara sartzen direnei kontrol zorrotza egingo zaie. Halaber, edukiera 60 pertsonakoa izango da, indarreko araudiari jarraituz, eta mahaiak erreserben arabera osatuko dira, gomendatutako distantzia gordeta. Hori guztia Basque Culinary Center leku segurua dela ziurtatzeko.