Sukaldaritzan aritzen diren profesionalentzako erreferentzia-masterra

Master hau esperientzia profesionala duten sukaldariei zuzenduta dago eta, haren bidez, zeure ibilbide profesionalean jauzi kualitatiboa egin ahal izango duzu. Ezagutu sakon produktuak: jatorria, barietateak, ezaugarri gastronomikoak eta sukaldaritzan duten portaera. Ezagutu teknika modernoak, alderdi fisiko-kimikotik hasi eta teknikez jabetzeraino.  Murgildu sukaldari ospetsuenen azken joeretan.

Sei hilabeteko programa da eta ondoren, trebakuntza-prozesua burutzeko, ikasle guztiek nazioko eta nazioarteko jatetxerik ospetsuenetan egonaldia egingo dute.

Lanbidean nahiz irakaskuntzan eskarmentu handia duten irakasleak biltzen ditu eta, mintegiak ez ezik, master classak ere sartzen dira tartean, produktuko aditurik onenen eta nazioarteko erreferentziako sukaldarien partaidetzarekin. Ikasketak osatzeko, ikasteko txangoak eta master bukaerako proiektua ere egingo dira.

Informazio praktikoa

• Hurrengo Masterreko edizioa 2022ko Urrian hasiko da!

• Iraupena: 60 kreditu.

• 6 hilabeteko prestakuntza Basque Culinary Centerren+ 3 hilabeteko praktikak

• Mondragon Unibertsitateko berezkoa Titulua

10+1 Arrazoi

Bideratua / Programa

Masterra honako profil hau duen pertsonei zuzenduta dago:

 •   Gastronomiako lizentzia.

 •   Sukaldaritzako eta jatetxe-alorreko goi- edo erdi-mailako gradua.

 •   Erreferentziako ikastetxeetan egindako sukaldaritzako ikasketa arautu gabeak.

Beharrezkoa da hautagaiek sukaldari lanetan eta hainbat sailetan gutxienez hiru urteko esperientzia edukitzea.

Programari esker, ikasleak konpetentzia aurreratuak eskuratuko ditu honako ezagutza-esparru hauetan:

 •   Produktuen eta sukaldaritzako erabileraren ezagutza sakona.

 •   Jatetxeetako sortze-prozesuak.

 •   Sukaldaritzako joerak eta berrikuntzak.

 •   Sukaldaritza-teknika modernoak.

Egutegia

IRAUPENA: 60 ECTS.

ESKOLA ALDIA: 2024ko urritik 2025ko martxora

ORDUTEGIA: 15:30etatik 20:30etara, astelehenetik ostiralera

PRAKTIKA ALDIA: 2025ko apiriletik ekainera

Izen-ematea 2024ko martxoan irekiko da. 

Jatetxeetako praktikak (hala eskatzen duten ikasleentzat) masterra bukatu ondoren egingo dira. 

Ikasleak praktikak baliozkotzeko aukera izango du, baldin eta esperientzia profesionala egiaztatzen badu.

*Ordutegia astelehenetik ostiralera izango da, 15:30etatik 20:30etara (txango gastronomikoak, master class-ak eta mintegiak goizez ere izan litezke, beharrezkoa izanez gero).

Metodología

Masterreko orduen zati handia praktikara bideratuko da eta ikasleari ikasketa-prozesu zorrotz, aktibo eta osoa eskaintzeko moduko metodologia berritzaileak erabiliko dira.

Eskolak astelehenetik ostiralera izango dira eta saiotik saiora bitartean ikasleek bertaratu gabeko jarduerak izango dituzte, ikasitakoaz hobeto jabetzeko edota hurrengo saioetarako ezagutzak aktibatzeko.

Ebaluazioa etengabea izango da eta, aldian-aldian, kanpoko profesionalek eta Basque Culinary Centerreko irakasleek baloratuko dituzten mugarriak gainditu beharko ditu ikasleak. Batzuetan, elaborazio horiek benetako bezeroei emandako zerbitzuetan probatuko dira.

Ikasketa-prozesua ikasgelatik kanpo ere egingo da, ikaskuntza-ibilaldi gastronomikoen bidez. Horiei esker, lehen eskutik ezagutuko dugu kozinatzen ditugun produktuen jatorria. Besteak beste, nekazaritza-, abeltzaintza- eta hegazti-ustiategiak bisitatuko ditugu: esnekiak, foiea eta produktu keztatuak ekoizten dituztenak, okela-ekoizleak, gozogintza- eta pastelgintza-enpresak, upategiak, mahastiak, etab.

Prestakuntzan zehar, ikasleek Master Bukaerako Proiektua prestatuko dute eta profesional adituek benetako zerbitzuan baloratuko dituzte ikaslearen sormena eta sukaldaritza-proposamenaren koherentzia.

Enpresetako praktikak eskola-aldia eta master bukaerako proiektua burutu ondoren izango dira. Hiru hilabeteko (480 orduko) iraupena izango dute eta honako leku hauetan burutuko dira:

 •   Michelin izarra duten jatetxeetan. Adibidez: Arzak, Mugaritz,  El Celler de Can Roca eta Basque Culinary Centerren laguntzaileak diren beste askotan.

 •   Gastronomia alorreko I+G departamentuetan.

 •   Gastronomia-berrikuntzako proiektuetan. Adibidez, Bulli-Lab.

 •   Elikagaien industriako I+G unitateetan edota ikasleak bere gaitasunak garatzeko aukera izango duen beste negozio batzuetan.

Ikasleek praktikak baliozkotzeko aukera izango dute, baldin eta gaitasunak egiaztatzen badituzte.

Irakasleak

Esperientzia eta gaitasun pedagogiko handiko profesionalek osatzen dute irakasle multzoa.

Antolamendu-egiturak honako hauek hartzen ditu:

 •   Masterraren diseinu-taldea.

 •   Masterraren koordinatzailea.

 •   BCCko irakasleak, irakasle adituak zentzumen-analisian, sukaldaritzako kimikan, segurtasunean eta higienean, ekoizpenean eta abarretan.

 •   Produktuaren area bakoitza ezin hobeto ezagutzen duten irakasleak: nutrizionistak, ingeniari agronomoak, itsas biologoak, albaitariak, ekoizleak, etab.

 •   Nazioko eta nazioarteko erreferentziako gonbidatuak.

 •   Proiektu- eta praktika-tutoreak.

 •   Ikasleen Bulegoa.

Sukaldari gonbidatuak eta produktu-adituak bilduko dituzten mintegietara joateko aukera izango duten ikasleek. Arroz, txerriki iberiko, esneki, espezie, arrain eta abarreko sukaldaritzari buruzko ikuspegia partekatu eta xehetasun osoz azalduko dituzte sukaldaritza-teknika tradizional eta modernoak. 

Honako hauek dira sukaldaritzako, teknikako eta produktuko masterreko aurreko edizioetako sukaldari gonbidatuetako batzuk: Manolo De la Osa, Fernando Bárcenas, Ricard Camarena, Eneko Atxa, Josean Alija, Xabier Gutiérrez, Marcelo Tejedor, Oswaldo Oliva, Mateu Casañas, Juan Fra Valiente, Albert Raurich, Rodrigo de la Calle, etab. 

Ikasketen ukitu aparta dira master class-ak. 2 eta 4 ordu bitarteko saioak, nazioarteko ospea duten sukaldariekin: Andoni Luis Aduriz, Pedro Subijana, Juan Mari Arzak, Quique Dacosta eta Joan Roca, besteak beste.

Master class-en programaren bidez, gaur egungo sukaldaritzako chefik ospetsuenek euren ikuspegia, kontzeptua, sorkuntza-bideak eta azken sukaldaritza-proposamenak erakutsiko dizkiete ikasleei.  

Hoberenekin ikasiko duzu!

Matrik. / Laguntzak

Masterrak 14,150 euroko prezioa izango du eta honela ordainduko da:

• 150 euro hautagaitza aurkeztean (onartua izan ezean zenbateko osoa itzuliko da).

• 3,500 € hautagaia onartu egin dela baieztatzen denean, lekua erreserbatzeko.

• Gainerakoa, 3,500 € euroko hiru kuota urrian, abenduan eta otsailean ordaintzeko.

Finantzatzeko aukerak

Ikastetxeak finantzaketa-baldintza bereziak hitzartu ditu hainbat finantza-erakunderekin.

Dirulaguntzak jasotzeko aukera

Dirulaguntza jasotzeko aukera (zati bat edo osorik ordaintzeko) Fundación Tripartitaren bidez:

FUNCIONAMIENTO DE FUNDAE

Ikasleari enplegua aurkitzeko laguntza

Ikasketak egiten dituen bitartean eta ondoren ikasleari enplegua bilatzen laguntzeko asmoz, Masterreko ikasleek fakultateak jasotzen dituen lan-eskaintzen berri jasoko dute.

Era berean, egonaldian zehar, Fakultateak eskaintzen dituen ikasketa-lan eskaintzetara aurkezteko aukera izango dute, Unibertsitateko sailetan aritzeko: I+G sailean, eragiketen sailean, kafetegian, etab.

Onarpena / Baldintzak

Basque Culinary Centerrek duen onarpen sistemaren helburua da gure ikasleek ikasketa plan berritzaile eta zorrotz hau arrakastaz gainditzeko beharrezko ikasketa maila eta gaitasun pertsonala dituztela bermatzea.

Onarpen Batzordea arduratuko da onartutako hautagaiak aukeratzeaz.

Informazio gehiago nahi baduzu: masteruni@bculinary.com  

Ikasleentzako zerbitzua

Alojamientos

Ostatuari buruzko informazio gehiago hemen

Beste alojamendu aukerak

Erlojiosoen Ikasle-Egoitzak

Ikasle-egoitza hauek txikiak dira eta sarrera ordutegi mugatua dute. Gelak banakakoak edo binakakoak izan daitezke eta denek dute bainugela. Litekeena da mantenu osoa eskaintzen dutenek, asteburuetan otordu guztiak ez eskaintzea. Egoitza hauetan onartua izateko elkarrizketa pertsonal bat egin behar da familiarekin. Arraian agertzen ditugun prezioak gutxi gorabeherakoak dira.

Emakumezkoentzako Egoitzak:

Male residences

Egoitza laikoak

Estas residencias son mixtas y son de mayor tamaño que las residencias religiosas. Generalmente no tienen horarios de entrada.

Egoitza mistoak:

Bizilekua partekatutako etxeetan

Interesdunek aldez aurretik baimena emanda, BCCko ikasleen bulegoak elkarrekin harremanetan jartzen ditu ikasleak etxea alokatzeko antolatu daitezen. APP BCC Students app-aren bidez, gainera, jabeek jakinarazita alokagai dauden etxe/gelen berri ematen diegu onartutako ikasleei. Donostian, batez beste 350 € ingurukoa da ikasle batek hilean partekatutako etxe batean ordaindu behar izaten duen prezioa

Bidaiaren aurreko tramiteak

Kirol-zerbitzuak

MUk eskaintzen duen kirol-zerbitzuaren bidez, ikasleek taldeko nahiz banakako kirolaz edota taldekako irteerez goza dezakete (eskiatzeko asteburuak, surf irteerak, etab. ).

Horretaz gain, Donostiak eskaintza zabala du kiroletarako udal instalazioetan. Kirol Txartelari esker hiriko udal instalazio guztiez gozatu ahal izango duzu oso prezio eskuragarrian. Informazio gehiagorako, erabili ondorengo esteka.

Bizi Kostuaren Info

Donostia - San Sebastián

Donostia Gipuzkoako administrazio hiriburua da, Euskadi osatzen duten lurraldeetako bat, non bi hizkuntza ofizial bizikide diren: gaztelania eta euskara.

Kantauri itsasoaren ertzen, Donostia aparteko edertasuna duen inguru natural bateko hiri txiki bat da. Erregeen eta jaunen opor-leku, Belle Epoque garaian, tradizioa eta modernotasuna bizikide diren jaun-hiri bihurtu zen Donostia.

Bere edertasun ikusgarriaren parekorik badago, bertako gastronomia da hori: “euskal sukaldaritza berriaren” sorleku, sukaldaritzako abangoardiaren muin eta pintxoen munduko hiriburu, Donostia biztanleko Michelin izar gehien dituen hiria da munduan. Bere jatetxeen garrantziak, elkarte gastronomikoek eta bertako lehengaien kalitateak, mundu mailako gastronomia erreferente bihurtzen dute Donostia. Which aldizkari britainiarrak, ez zuen halabeharrez hautatu Donostia munduko helburu gastronomikorik onena gisa.

Azken urteetan, berrikuntza eta iraunkortasuna Donostiaren garapenaren ardatz nagusi izan dira, eta ekimen horrek aparteko leku bihurtu du bai oinezkoentzat bai bizikletaz dabiltzanentzat.

Zergatik ikasi gastronomia donostian?

Donostian, Euskadiko gainerako lekuetan bezala, gastronomia gizartearen parte delako eta edozein gertaera eta ospakizunetan mahaiko gauza goxoekin gozatzen delako. Donostiak, 185.000 biztanleko hiriak, 120 gastronomia elkarte ditu.

• Espainian hiru Michelin izar dauzkaten zortzi jatetxeetatik lau Euskadin daudelako, eta horietatik hiru Donostian daudelako.
• Bere eskaintza kulturalagatik, mundu mailako aitorpena duten zinema eta jazz jaialdiengatik. Donostia 2016ko Europako Kultur Hiriburu izendatu dute.
• Bertako hondartzengatik, aukera-aukerakoak dira urte osoan surfa egiteko.
• Mendiagatik, 2,5 ordutara daude Pirinioak.
• Hiri segurua, eskuragarria eta erosoa delako.

Nola iritsi donostiara

Donostia Espainiako hiri nagusienekin lotuta dago autobus, tren eta hegazkin bidez.

Donostiako aireportua hiritik 20 km-ra dago. Aireportu txikia da, Madrilerako eta Bartzelonarako hegaldi zuzenak dituena. Autobus zerbitzua eskaintzen du hiriaren erdiguneraino.

Bilboko nazioarteko aireportua, Donostiatik ordubetera dago, eta hiriarekin lotuta dago, aireportutik abiatzen den maiztasun handiko autobus zerbitzu baten bidez.

Biarritzeko nazioarteko aireportua, Donostiatik 45 minutura dago, baina bertara zuzenean iristeko autobus bakarra eskaintzen du eta egunean behin.

BCulinary Alumni

Informazio guztia ikus dezakezu esteka honetan.