Izan zaitez aditu handia turismo gastronomikoan, egungo merkatuan nabarmentzeko

Gastronomiak bidaietan duen eragin handiak eta turismo gastronomikoaren aurreko eskaera gero eta handiagoak bihurtu dute gastronomia garatzeko aukera handienetakoa duten segmentuetako bat.

Turismoaren Mundu Erakundeak eta Basque Culinary Centerrek bat egin dute gorantz doan sektore hori profesional bihurtuko duen eta erreferentea izango den prestakuntza eskaintzeko.

Master honetan turismo gastronomikoaren sektoreari lotutako esparru publikoko zein pribatuko enpresak eta elkarteak kudeatzeko beharrezkoak diren gaitasunak eskainiko dizkizugu modu eraginkorrean eta ikuspegi estrategikoarekin, arloak bizi duen errealitateari eta joera berritzaileenei egokituta.

Produktu eta esperientzia enogastronomiko sortzaileak eta berritzaileak diseinatzen ikasiko duzu, eta horiek xedeko merkatuetan kokatzen eta turista gastronomikoaren profil desberdinekin harreman arrakastatsuak eta iraunkorrak sorrarazten ikasiko duzu.

Turismo gastronomikoko helmuga garrantzitsuenetariko bat den Donostian bezalako hiri batean master bat ikasteko esperientzia bizi ezazu!

Informazio praktikoa

• Iraupena: 60 kreditu (1.500 ordu). 

• 6,5 hilabete (4 hilabete online eta 2,5 hilabete presentzial) + 3 hilabete praktikak egiten.

• Masterraren hurrengo edizioa 2022ko URRIAN hasiko da.

• Kontsultak eta informazio gehiago hemen: cursos@bculinary.com.

• Mondragon Unibertsitateak sortutako Master titulua.

Irteera profesionalak

Master honek turismo gastronomikoari lotutako norako, erakunde eta enpresetako lan esparru hauetan karguak eta egitekoak betetzeko prestatzen ditu parte hartzaileak:

 •   Enpresa zuzendaritza eta turismo gastronomikoari lotutako turismo jarduerak.

 •   Turismo gastronomikoaren norakoen plangintza eta kudeaketa norakoak eta produktu gastronomikoak eta beste batzuk kudeatzen dituzten erakunde publikoetan.

 •   Turismo merkatuei buruzko ikerketa eta ezagutzaren garapena turismo gastronomikoaren esparruan.

Bculinary Alumni, Basque Culinary Centerren ikasle ohientzako zerbitzuak, aldizka turismo gastronomikoarekin erlazionatutako adierazitako irteera profesionalen inguruko lan eskaintzak argitaratzen ditu. 

Batzuetan, ikustea hobe da entzutea baino.

10+1 Arrazoi

Bideratua / Programa

   Graduatuak, diplomatuak, unibertsitateetan lizentziatuak, ahal dela turismoari, ekonomiari, enpresa zuzendaritzari eta administrazioari, geografiari, kazetaritzari, komunikazioari, gastronomiari eta beste batzuei lotutako titulazioetan.

 •   Turismoaren edo gastronomiaren arloko profesionalak:

- Sektore publikoa: norakoak eta produktu turistikoak kudeatzen dituzten instituzioetako eta erakundeetako (udalak, aldundiak, turismo zuzendaritza nagusiak, garapen taldeak eta beste batzuk) turismo teknikariak.

- Sektore pribatua: turismoaren arloko enpresaburuak, produktu turistikoen gerenteak, batzorde arauemaileak, etab.

* Ikasgai batzuk ingelesez izango dira, horregatik Masterrean izen emateko B2 maila izan beharko da (erdi-maila altu bat).

Gastronomia eta turismoa gustatzen bazaizu, hau da zure masterra!

Aurretik izandako formakuntza edo esperientzia alde batera utzita, perfil bakoitza banaka baloratuko dugu. 

Ikasketa plana

Masterreko ikasketa planak gaitasun globalak emango dizkio ikasleari eta osagarri gisa kanpoko praktikaldi bat; hartan egingo dute Master amaierako lana.

Egutegia

ONLINE ALDEA: 2024ko urritik 2025ko urtarrilera

ALDE PRESENTZIALA: 2025ko otsailetik apirilera, astelehenetik ostiralera, 15:15etatik 20:15ak arte.*

PRAKTIKAK: 2025ko apirila- 2025ko uztaila

PLAZA KOPURUA: 20

Masterreko zuzeneko eskolak amaitzean egingo dira praktikak. 480 ordu iraungo dute.

Praktikak baliozkotzeko aukera du ikasleak, esperientzia profesionala duela egiaztatzen badu.

*Ordutegia astelehenetik ostegunera arte eta 15:15etatik 20:15ak arte bada ere, ikasteko bisitaldiak, dastamen gelak, marketing saioren bat, mintegi edo master class-en bat (salbuespen gisa) goizeko ordutegian edo finkatutako egunetan ez baizik eta asteko beste egunen batean eskaini ahal izango dira jarduerak hala eskatzen badu.

Metodología

Irakaskuntza-ikaskuntza prozesuak honako kontzeptu metodologiko hauek ditu oinarri:

 •   Kontzeptuak azaltzeko saioak: Saio hauetan modulu bakoitzeko ikasgaiari dagozkion funtsezko kontzeptuak azalduko dituzte adituek.

 •   Master Class-a: Turismo gastronomikoan erreferentzia diren profesionalek zuzenean aurkeztuko dituzte eredu eta benetako esperientzia arrakastatsuak.

 •   Kasu Praktikoen ikaskuntza: Kasu praktikoen eta adibide zehatzen berri emango da parte hartzeko formatuan eskainiko diren berariazko tailerretan.

 •   Dastamen gelak: Dastak, dastatzeak, tailerrak eta sukaldaritzari lotutako beste jarduera batzuk Basque Culinary Centerreko instalazioetan, programaren edukiak bertatik bertara esperimentatzeko. Adituek edo ikasleek berek sortutako jarduerak.

 •   Ikasteko bisitaldi teknikoak: Ikasgaien edukiak azalduko dituzten jarduera gastronomikoak eta bisitaldiak leku interesgarrietara: Errioxa, Bizkaia eta Bilbo, Euskal Kosta eta Donostiara eta inguruetara. Ikasleek ere unibertsitateak antolatutako Culinary Action! bezalako ekitaldietan parte hartzeko aukera edukiko dute,  eta baita Fitur bezelako kongresuetara joateko aukera ere. 

Ikaskuntza sendotu egiten da parte hartzaileen eta Basque Culinary Centerreko koordinatzaileen eta profesional adituen arteko bizikidetzarekin.

Zuzeneko eskoletatik kanpora, plataforma baten laguntza izango dute parte hartzailek. Zuzeneko eskola saioetarako ezagutzak berritzen lagunduko die irakurketa saioen, ariketen, kasuen eta beste bide batzuen bidez. 

Masterraren amaierako proiektua

Masterraren Amaierako proiektuan Masterraren irakaskuntza aldian zehar jasotako ezagutzak, trebetasunak eta jokabideak txertatuko, aplikatuko eta garatuko dituen proiektu originala egingo da. Lan horrek, beraz, izaera integratzailea du, izan ere, titulazioari atxikiriko gaitasun orokorrak eta zehatzak biltzen ditu.

Banaka edo bikoteka egingo da proiektua, eta ikasleek norako baten edo nekazaritzako elikagaien enpresa baten turismo gastronomikoa garatzeko Plana eta berau sustatzeko marketinga prestatuko dituzte. 

Praktikak

Laneko orientabidea du Masterrak, eta 480 orduko eta 19 ECTS kredituko karga duten Praktikak egingo dira Enpresetan.

Hona hemen praktikak egiteko leku batzuk:

 •   Turismo gastronomikoaren produktua lantzen duten turismoa kudeatzeko erakundeak (erakunde publikoak, partzuergo turistikoak,  turismo gastronomikoari emandako elkarteak, produktuen elkarteak, etab.). OMT-rekin akordio bat daukagu gure ikasleek han praktikak egin ahal izateko. 

 •   Turismo Gastronomikoari emandako enpresak: agentzia espezializatuak, museo gastronomikoak, gela gastronomikoak, azokak, ardandegiak, sagardotegiak eta jarduera turistikoa garatzen duten beste industria batzuk, jatetxeak eta abar.

Azken urteetan, gure ikasleek bere praktikak hurrengo entitateetan egin dituzte: 

• OMT

• Basquetour

• Acción y Comunicación

• Lumen Proyectos Gastronómicos

• Dinamiza Asesores

• Promperú

• Secretaría General Iberoamericana

• Mimo

• La Rioja Turismo

• Asociación Mater Iniciativa

• Conservatorio de la Cultura Gastronómica Mexicana

• Opegui

• Bodega Marqués de Riscal

• ...

Praktikak baliozkotu ahal izango dira masterrean finkatutako gaitasunen gutxienez urte bateko eskarmentu profesionala egiaztatzen baldin bada.

Irakasleak

Antolakuntzaren aldetik, Batzorde Tekniko batek, Programa Zuzendari batek, ikasgaien programaren modulu nagusi bakoitzeko aditu-koordinatzaile batek, Basque Culinary Centerreko irakasleek eta arloko irakasle adituek osatuta dago Masterraren egitura.

Era berean, saio bakoitzean, gonbidatuak izango ditugu, erreferentziazko profesionalak, eta profesional horiek beren eskarmentua transmitituko diete ikasleei, ikasleekin batera talde txikitan jardunez.

Onenekin ikasiko duzu!

Programaren araberako gaietan adituak diren profesionalak:

 •   Antropologoak, historialariak, elikagaien teknologoak.

 •   Turismo gastronomikoan eta enoturismoan, norakoen kudeaketan, produktu turistiko gastronomikoen diseinuan eta beste gai batzuetan adituak diren aholkulariak.

 •   Norakoen kudeatzaileak eta turismo enogastronomikoari emandako enpresak.

 •   Marketing eta komunikazioan, ekitaldi gastronomikoen ekitaldietan eta beste batzuetan adituak.

 •   Master class-a nazio eta nazioarte mailan norako gastronomikoak sortzen eta sustatzen adituak diren gonbidatuekin.

 •   Enpresaburu arrakastatsuak, turismo gastronomikoaren alorreko jardunbide egokiak lehen eskutik ezagutzeko.

Matrik. / Laguntzak

Masterrak 11.030 euroko prezioa du. Ordainketa honela egingo da:

 •   150 euro hautagaitza aurkeztean (onartua izan ezean zenbateko osoa itzuliko da).

 •   2,720 € (%25) hautagaia onartu egin dela baieztatzen denean, lekua erreserbatzeko. 

 •   Gainerako zenbatekoa 2,720 €-ko 3 kuotatan urrian, abenduan eta otsailean. 

*Prezio honek aldaketak izan ditzake datorren edizioan.

Finantzatzeko aukerak

Fakultateak finantzaketarako hitzarmen bereziak ditu hainbat finantza-erakunderekin (gehienez 6 urtetan finantzatzeko aukera).

Dirulaguntza jasotzeko aukera

Dirulaguntza jasotzeko aukera (zati bat edo osorik ordaintzeko) Fundae bidez.

Ikasleari enplegua aurkitzeko laguntza

Ikasleei lanpostua bilatzen laguntze aldera, ikasketek iraun bitartean edo ondoren, fakultatean jasotzen diren lan-eskaintzen berri emango zaie Masterreko ikasleei.

Era berean, egonaldian zehar, fakultateak eskaintzen dituen ikasketa-lan eskaintzetara aurkezteko aukera izango dute, Unibertsitateko sailetan aritzeko: I+G, operazioak, kafetegia, etab.

Onarpena / Baldintzak

Basque Culinary Centerrek duen onarpen sistemaren helburua da gure ikasleek ikasketa plan berritzaile eta zorrotz hau arrakastaz gainditzeko beharrezko ikasketa maila eta gaitasun pertsonala dituztela bermatzea.

Onarpen Batzordea arduratuko da onartutako hautagaiak aukeratzeaz.

Informazio gehiago nahi baduzu: masteruni@bculinary.com  

Ikasleentzako zerbitzua

Alojamientos

Ostatuari buruzko informazio gehiago hemen

Beste alojamendu aukerak

Erlojiosoen Ikasle-Egoitzak

Ikasle-egoitza hauek txikiak dira eta sarrera ordutegi mugatua dute. Gelak banakakoak edo binakakoak izan daitezke eta denek dute bainugela. Litekeena da mantenu osoa eskaintzen dutenek, asteburuetan otordu guztiak ez eskaintzea. Egoitza hauetan onartua izateko elkarrizketa pertsonal bat egin behar da familiarekin. Arraian agertzen ditugun prezioak gutxi gorabeherakoak dira.

Emakumezkoentzako Egoitzak:

Male residences

Egoitza laikoak

Estas residencias son mixtas y son de mayor tamaño que las residencias religiosas. Generalmente no tienen horarios de entrada.

Egoitza mistoak:

Bizilekua partekatutako etxeetan

Interesdunek aldez aurretik baimena emanda, BCCko ikasleen bulegoak elkarrekin harremanetan jartzen ditu ikasleak etxea alokatzeko antolatu daitezen. APP BCC Students app-aren bidez, gainera, jabeek jakinarazita alokagai dauden etxe/gelen berri ematen diegu onartutako ikasleei. Donostian, batez beste 350 € ingurukoa da ikasle batek hilean partekatutako etxe batean ordaindu behar izaten duen prezioa

Bidaiaren aurreko tramiteak

Kirol-zerbitzuak

MUk eskaintzen duen kirol-zerbitzuaren bidez, ikasleek taldeko nahiz banakako kirolaz edota taldekako irteerez goza dezakete (eskiatzeko asteburuak, surf irteerak, etab. ).

Horretaz gain, Donostiak eskaintza zabala du kiroletarako udal instalazioetan. Kirol Txartelari esker hiriko udal instalazio guztiez gozatu ahal izango duzu oso prezio eskuragarrian. Informazio gehiagorako, erabili ondorengo esteka.

Bizi Kostuaren Info

Donostia - San Sebastián

Donostia Gipuzkoako administrazio hiriburua da, Euskadi osatzen duten lurraldeetako bat, non bi hizkuntza ofizial bizikide diren: gaztelania eta euskara.

Kantauri itsasoaren ertzen, Donostia aparteko edertasuna duen inguru natural bateko hiri txiki bat da. Erregeen eta jaunen opor-leku, Belle Epoque garaian, tradizioa eta modernotasuna bizikide diren jaun-hiri bihurtu zen Donostia.

Bere edertasun ikusgarriaren parekorik badago, bertako gastronomia da hori: “euskal sukaldaritza berriaren” sorleku, sukaldaritzako abangoardiaren muin eta pintxoen munduko hiriburu, Donostia biztanleko Michelin izar gehien dituen hiria da munduan. Bere jatetxeen garrantziak, elkarte gastronomikoek eta bertako lehengaien kalitateak, mundu mailako gastronomia erreferente bihurtzen dute Donostia. Which aldizkari britainiarrak, ez zuen halabeharrez hautatu Donostia munduko helburu gastronomikorik onena gisa.

Azken urteetan, berrikuntza eta iraunkortasuna Donostiaren garapenaren ardatz nagusi izan dira, eta ekimen horrek aparteko leku bihurtu du bai oinezkoentzat bai bizikletaz dabiltzanentzat.

Zergatik ikasi gastronomia donostian?

Donostian, Euskadiko gainerako lekuetan bezala, gastronomia gizartearen parte delako eta edozein gertaera eta ospakizunetan mahaiko gauza goxoekin gozatzen delako. Donostiak, 185.000 biztanleko hiriak, 120 gastronomia elkarte ditu.

• Espainian hiru Michelin izar dauzkaten zortzi jatetxeetatik lau Euskadin daudelako, eta horietatik hiru Donostian daudelako.
• Bere eskaintza kulturalagatik, mundu mailako aitorpena duten zinema eta jazz jaialdiengatik. Donostia 2016ko Europako Kultur Hiriburu izendatu dute.
• Bertako hondartzengatik, aukera-aukerakoak dira urte osoan surfa egiteko.
• Mendiagatik, 2,5 ordutara daude Pirinioak.
• Hiri segurua, eskuragarria eta erosoa delako.

Nola iritsi donostiara

Donostia Espainiako hiri nagusienekin lotuta dago autobus, tren eta hegazkin bidez.

Donostiako aireportua hiritik 20 km-ra dago. Aireportu txikia da, Madrilerako eta Bartzelonarako hegaldi zuzenak dituena. Autobus zerbitzua eskaintzen du hiriaren erdiguneraino.

Bilboko nazioarteko aireportua, Donostiatik ordubetera dago, eta hiriarekin lotuta dago, aireportutik abiatzen den maiztasun handiko autobus zerbitzu baten bidez.

Biarritzeko nazioarteko aireportua, Donostiatik 45 minutura dago, baina bertara zuzenean iristeko autobus bakarra eskaintzen du eta egunean behin.

BCulinary Alumni

Informazio guztia ikus dezakezu esteka honetan.