ULTIMO CULINARY ACTION! KANTABRIA
Basque Culinary Centerrek Culinary Action! tailer bat antolatu zuen Santanderren 2018ko ekainaren 25ean (astelehena), eta bertara hurbildu ziren gastronomiaren alorreko 14 ekintzaile. Hauxe da haien hitzartzeen laburpen bat, topaketa hartan azaldu ziren funtsezko ideiekin.
ULTIMO CULINARY ACTION ALACANT
Basque Culinary Centerrek eta Alacanteko Udalak Culinary Action! tailer bat antolatu zuten hiri hartan 2018ko maiatzaren 28an (astelehena). Sukaldaritzaren alorreko 10 ekintzaile eta jatetxeen sektoreko kudeaketako 3 aditu bertaratu ziren. Hauek izan ziren topaketa hartan azaldutako mezurik garrantzitsuenak.
ULTIMO PROJECT GASTRONOMÍA LONDRES
Nolabaiteko ezinegonarekin bildu ziren 50 parte-hartzaile (chefak, filosofoak, diseinatzaileak, ekologistak, teknologoak, elikagaien zientzialariak eta kazetari gastronomikoak) Shoreditchen Project Gastronomíarako. Haien asmoa zen, diseinu multisentsorialaren bidez, zentzu zabalenean hartuta, galdera bati erantzutea: nola jango
dute londrestarrek 2050ean?
ULTIMO GASTRONOMIAREN SEKTOREKO ZENTRO TEKNOLOGIKOA
Basque Culinary Centerrek gastronomian espezializatutako lehen zentro teknologiko espezializatua sortu du, BCC Innovation, munduko erreferente bilakatzeko asmoarekin. Zentroak ezagutza sorraraziko du gastronomiaren sektorearen inguruan eta zenbait helburu beteko ditu: ezagutza aberastasun bilakatzea, enpresetan berrikuntza
sustatzea eta enpresa berrien sorrerari babes aktiboa ematea, sektorearen etorkizuna bermatzeko.
Hainbat diziplinatako ikertzaileek, teknikariek eta kudeatzaileek osatutako 25 pertsonako lan-talde bat arituko da BCC Innovationen. 2017an, Basque Culinary Centerreko I+G zentroa 40 enpresa eta erakunderekin baino gehiagorekin jardun zen elkarlanean, Estatuan eta nazioartean erreferente diren ikerkuntza-zentroekin aliantzan, proiektu publiko eta pribatuen bidez.
ULTIMO GASTRONOMY & MULTISENSORY DESIGN 2050
2018ko apirilean, Londresen (Erresuma Batua) hainbat diziplinatako 10 adituk osatutako talde batek elkarrizketa batean parte hartu zuen hainbat diziplinatako 70etik gora «gastronomorekin», datozen aldaketak partekatzeko, horiei buruz
eztabaidatzeko eta sormenez horiei ekiteko.
Bereziki azpimarratu zen nola alda dezaketen etorkizuna diseinu multisentsorialak, elikadura-sistemarekin dituen elkarrekintzek eta alor horretako adituen esperientziak (Kitchen Theory eta Barry Smith irakaslea).
Aditu parte-hartzaileak
– Professor Barry Smith (Institute of Philosophy, University of London)
– Sara Appleby
– Paul Newnham (SDG2 Advocacy Hub)
– Juan Carlos Arboleya (Basque Culinary Center)
– Chef Jozef Youssef (Kitchen theory)
– Charlotte Catignani (Treatt)
– Bill Knott (Financial Times)
– Afroditi Krassa (Afroditi Krassa)
– Virgilio Martinez (Central Restaurante)
Leonor Espinosak jaso du Basque Culinary World Prize 2017 saria
Donostiako Tabakalera Kultura Garaikidearen Nazioarteko Zentroan eman dute gaur arratsaldean Basque Culinary World Prize 2017 saria. Ekimen eraldatzaileak edo gizartean eragin positiboa dutenak abian jartzen dituzten chefak saritzen ditu, hain zuzen. Era horretan, helburua da erakustea gastronomiak balio dezakeela hainbat arlotan –berrikuntzan, hezkuntzan, ingurumenean, gizarte- edo ekonomia-garapenean edota osasunean, besteak beste– aldaketa bultzatzeko.
Eusko Jaurlaritzak sortu eta ematen du sari hori Basque Culinary Centrerekin elkarlanean, Basque Country estrategia integralaren barruan. Herrialde-marka horrek, indarguneak eta berezitasunak kontuan hartuta, aktore global bihurtzen du Euskadi, bikaintasunaren, bizi-kalitatearen eta gizarte-kohesioaren eredu, herrialde berritzaile eta lehiakorraz gain. Euskal gizartearen balio komunak –hala nola ahaleginaren kultura, konpromisoa, hobetzeko gaitasuna, eraldatzearen aldeko bokazioa, emakume eta gizonentzako aukera-berdintasuna– Euskadiren irudiari lotzea da xedea, nazioarteko gure bisita-txartela izan daitezen.
Arantxa Tapia sailburuak Leonor Espinosa chef kolonbiarrari eman dio saria Funleo fundazioan egindako lanagatik, hainbat agintari eta pertsona ospetsuren aurrean. Garapenerako gastronomiaren arloko fundazio horrek herri batez ere indigenen eta afrokolonbiarren antzinako jakintza aldarrikatzen du, eta landa-hazkunderako prozesuak bultzatzen ditu elikadura-burujabetza ardatz hartuta; hala bada, ekoizle txikiekin merkaturatzeko bideak ez ezik, heziketa, nutrizio, ekintzailetza zein turismorako guneak ere sortzen ditu etnia horiek bizi diren herrietan.
Leonor Espinosak Funleoren barruan abian dituen hainbat proiektutara bideratuko dira sariaren 100.000 euroak; haietako bat da, esate baterako, Chocó departamenduan Gastronomiako Zentro Integrala inauguratzea. Zentro horretan, aberastasun gastronomikoren inguruan kontzientziatu nahi dituzte herritarrak, narkotrafikoaren alternatiba gisa, komunitateek, era autonomoan, ondare biologiko, kultural eta immateriala erabil dezaten gizartea eta ekonomia garatzeko.
Basque Culinary Centerrek Istanbulgo Gastromasa Kongresuko saria jaso du, gastronomiak duen potentzial ekonomikoa eta soziala sustatzeagatik
Basque Culinary Centerrek, prestakuntza, berrikuntza eta ikerkuntzako jardueren bidez, gastronomiaren potentzial ekonomikoa eta soziala sustatzeko egiten duen lana aitortu du Gastromasa Gastronomiako Nazioarteko Kongresuak. Kongresu hori Istanbulen egiten da, Turkian.
Saria Joxe Mari Aizegak jaso du, Basque Culinary Centerreko zuzendariak, eta, besteak beste, Basque Culinary World Prize sortu izanaren onarpena da. Sari hori Eusko Jaurlaritzarekin batera sortu du Basque Culinary Centerrek, gauzak eraldatzeko ahalmena duten eta hainbat alorretan gastronomia-aldaketak eragin ditzaketela frogatzen duten chefak saritzeko –adibidez, berrikuntzan, hezkuntzan, ingurumenean, gizarte garapenean, garapen ekonomikoan, osasun-arloan...–, edota, oro har, elikagai-industrian eragin positiboa dutenak saritzeko.
Donostiako Amelia jatetxeko Paulo Airaudo izan da «BCC Eroski Saria»ren VI. edizioko irabazlea
Basque Culinary Centerrek eta EROSKIk gaur arratsaldean jakinarazi dituzte «BCC EROSKI Sarien» VI. edizioaren irabazleak. Sari horien bidez tokiko tradizioko elikagaiei dimentsio gastronomiko eta berritzaile bat ematen dieten eta, horrela, produktu horien balioa handitzeko lan egiten duten profesionalen ahalegina aitortu nahi dugu.
Paulo Airaudo, Laura Muñoz eta Antonio Rodríguez sukaldariak izan dira hiru finalistak, eta finalerako hautatutako errezetak prestatu dituzte Basque Culinary Centerren instalazioetan. Paulo Airaudo chefak Donostiako Amelia jatetxean eskaintzen duen «Arandoia, baratxuri beltza eta azenarioa» errezeta prestatu du. Laura Muñoz chefak, bestalde, Trebiñuko Urgora jatetxean dasta daitekeen postre bat prestatu du: «ezti-ahiz, kuia-gozokiz, gazta berdearen tarta hotzez eta intxaurrez beteriko tututxoak, garnatxa mahatsaren muztio egosiarekin». Eta Antonio Rodríguezek Sevillako Ispal jatetxeko «Korrokoia, ibaiaren eta larrearen artean» izeneko errezeta aurkeztu du.
Epaimahaia osatzen dute Alejandro Martínez Berriochoak (EROSKI Fundazioko zuzendariak), Iker Bilbaok (Neiker – Tecnalia), Naia Andonegik (Leaktiber), Iñaki Moyak (BCCko chef irakaslea), Josema Azpeitiak (idazlea eta gastronomoa) eta Aizpea Oihanederrek (Donostiako Xarma jatetxeko chefa). Haien erabakiz, Paulo Airaudok, irabazle bezala, 6.000 euroko saria jasoko du, Antonio Rodríguez-ek 3.000 euro jasoko ditu eta Laura Muñoz-ek 1.000 euro jasoko ditu.
«BCC EROSKI Saria» Basque Culinary Centerrek eta EROSKIk antolatzen dute, eta tokiko produktuekin egindako berrikuntza gastronomikoa nabarmentzen duten sukaldaritzako elaborazioak saritzea du helburu. Zehazki, saritu egiten ditu Espainiako lurralde desberdinetako aberastasun kulturala eta gastronomikoa osatzen duten barietate eta espezieak sustatzen eta erabiltzen dituzten sukaldariak, ekoizleekin eta espezieen, barietateen eta zaporeen biodibertsitatea babestearekin konpromiso sozial bat adierazten dutelako, eta sukaldeko berrikuntza tokiko produktuekin sustatzen eta erabiltzen dutelako.
Lehiaketan parte hartzeko bi baldintza baino ez ziren bete behar: jarduneko chefa izatea Espainiako edozein jatetxetan eta beren kartetan eskaintzen dituzten errezetak bidaltzea, beren eskualdeetan tradizio handia duten tokiko produktuak nabarmentzen dituztenak. Aurkeztutako errezeta guztien artetik, Basque Culinary Centerreko chef irakasleek hiru finalistak hautatu zituzten.
Paulo Airaudo, Laura Muñoz eta Antonio Rodriguez sukaldiariak, BCC Eroski sarietako seigarren edizioaren finalistak
Basque Culinary Center eta Eroskik elkarlanean antolatutako BBC Eroski sariketaren seigarren edizioak baditu dagoeneko finalistak. Zehazki, honako hauek dira aurtengo sukaldari finalistak: Donostiako Amelia jatetxeko Paulo Airaudo, “Hazikontxoa, berakatz beltza eta azenarioa” platerarekin; Sevillako Ispal jatetxeko Antonio Rodriguez, “Korrokoia, ibaiaren eta larrearen artean” platerarekin; eta Trebiñuko konderriko Urgora jatetxeko Laura Muñoz, “Eztizko inurriz beteriko tututxoak, kuia-gozokia, gazte berde erdi hotza eta Garnatxa mahatsez lagundutako intxaurrak” platerarekin.
Txapelketa azken fasea Basque Culinary Centerreko egoitzan jokatutako da, eta, bertan, BBC Eroski sariketako hiru finalistek aurkeztutako errezetak prestatu beharko dituzte zehaztutako tokiko produktuak erabiliz. Jarraian, epaimahaikideek platerok dastatuko dituzte. Honako hauek osatzen dute epaimahaia: Alejandro Martinez, Eroski Fundazioko lehendakaria; Neiker-Tecnalia enpresako Iker Bilbao; Leartiker enpresako
Naia Angonegi; Iñaki Moya, chefa eta BBCko irakaslea; Josema Azpeitia, idazlea eta gastronomoa; eta Aizpea Oihaneder, Donostiako Xarma jatetxeko chefa.
Emango diren hiru sarien babeslea Basque Culinary Center Fundazioko patronatuko kidea den Eroski da, eta, sariak, hurrenez hurren, 6.000, 3.000 eta 1.000 eurokoak izango dira.
Sariketa Espainiako jarduneko chef profesional guztiei irekita dago, eta Espainiako lurraldeen kultura eta gastronomia aberastasunaren osagai diren barietate eta espezie jakin batzuk sustatzen eta erabiltzen dituzten sukaldariak aitortzea eta saritzea du helburu.
Proposamen osasungarriak, jasangarriak eta berritzaileak dira, gure inguruan ekoitzitako elikagaiak nagusi dituztenak, ekoizleekin ez ezik, espezie, barietate eta zaporeen biodibertsitatea zaintzearekin ere baduten gizarte-konpromisoaren erakusle.
Informazio gehiago lortzeko interesa dutenek sariketaren webgunera jo dezakete:
ULTIMO BASALANDAREEI BURUZKO BCULINARY LAB SINPOSIOA 2017
BCulinary LABen bigarren sinposioaren gaia basalandareak izan ziren. Azken urteotan LABean egindako lana erakutsi zen eta mundu mailako hainbat aditu bildu ziren, gastronomian garrantzi handia duen basalandareen gaia partekatzeko.
Hauexek izan ziren hizlariak: Miles Irving (The Forager Handbook), Leire Etxaide eta Dani Lasa (Mugaritz); Evarist March (Celler de Can Roca, NaturalWalks), Mikkel Westergaard (MAD), Stefano Tosi (Wooding, Wild Food Lab) eta BCulinary LAB.
