Aurkezpena

Ikasi eta aplikatu abangoardiako teknikak zure sukaldetik, aurrez aurreko ikasgela bateko kalitate berarekin.

Abangoardiako Teknika Kulinarikoetako Online Espezializazio Ikastaroa profesionalentzat diseinatuta dago, egungo sukaldaritzako teknika eta prozesu espezifikoen bidez ikuspegi moderno bat indartu nahi dutenentzat. %100 online den esperientzia batekin, aurrez aurreko ikasgela bateko kalitate eta sakontasun berarekin ikasiko duzu.

Ikastaroa ikaskuntza praktikoan oinarritzen da, eta gatzatzea, ketzea, kriosukaldaritza, presio-sukaldaritza eta hartzidura bezalako teknikak eskuratu eta aplikatzeko aukera ematen dizu. Horrez gain, esperientzia gastronomikoak diseinatzeko trebetasunak garatuko dituzu, hala nola testura harrigarriak sortzea, aurkezpen-modu bereiziak eta bezeroaren pertzepzioan aldea markatzen duten zaporeak.

Gidatutako ariketak egingo dituzu, hala nola ketze-tekniken probak, produktu ezberdinekin marinatuak prestatzea eta norberaren osagaiekin hartzituak elaboratzea.

Online plataforma edozein lekutatik eta gailutatik ikastea errazteko diseinatu da. Bideo xehatuetarako eta zuzeneko klaseetarako sarbidea izango duzu, eta ikastaroaren koordinatzailearen eta irakasleen feedback pertsonalizatua jasoko duzu. Horrez gain, zure elaborazioen bideo edo argazkiak igotzeko aukera izango duzu, iruzkinak jaso eta zure praktika kulinarikoak hobetzeko. Horrela, prestakuntza-esperientzia dinamiko eta osoa bermatzen da, zure beharretara egokitua.

Ikastaroaren helburuak

Ezagutu abangoardiako teknikak eta produktuak, eskaintza gastronomiko eguneratu bat sortzeko.

Menderatu abangoardiako teknika kulinarikoen aplikazioa, zapore, testura eta esperientzia berriak arakatuz.

Murgildu sormen eta berrikuntza gastronomikoko kontzeptuen erabileran, pentsamendu berritzailea sustatzen duen metodologia bat aplikatuz.

Diseinatu eta planifikatu menu eta eskaintza gastronomiko berritzaileen elaborazioa, lehengai eta prozesu ezberdinekin esperimentatuz proposamen bereiziak sortzeko.

Aplikazio profesionalak

Jatetxe-arloa eta ostalaritza
- Abangoardiako tekniketan espezializatutako sukaldaria: esferifikazioa, gelifikazioa, hartzidura edo hutseko sukaldaritza bezalako teknikak ingurune profesionaletan txertatzea, prozesuak eta sormena hobetuz sukalde bero edo hotzeko partidetan.
- Sukaldaritzako I+Gko arduraduna: jatetxe bateko talde sortzailearen barruan proposamen berrien diseinuan laguntzea, ezagutza teknikoak txertatuz kartetan eta esperientzia gastronomikoetan berritzeko.

Ekintzailetza gastronomikoa

Ekintzailea: norberaren proiektu gastronomikoak garatzea —jatetxeak, dark kitchenak edo catering-zerbitzuak, esaterako—, teknika kulinariko eguneratuetan eta abangoardiako joeretan oinarritutako proposamen bereizgarri batekin.

Prestakuntza-programa

Ketzea: tenperatura, errekuntza-material motak eta ekipoak
Hotzean ketzea eta beroan ketzea
Gatzatzea: erabilera eta gatzatzeko moduak
Lehorrean gatzatzea eta gatzun hezeak
Marinatu: marinatu motak eta erabilera
Alkohol, entzima, espezia, pH azido eta pH alkalinoarekin marinatu
Nixtamalizatu: medio alkalinoen jarduera eta hautaketa-faktoreak
Sodio zitratoa, sodio hidroxidoa, kaltzio hidroxidoa
Almidoia eta pektina duten produktuen nixtamalizazioa

Abangoardiako lodigarriak: produktuak, aplikazioak, dosifikazioa
Gelifikatzaileak: produktuak, aplikazioak, dosifikazioa
Abangoardiako emultsionatzaileak eta aireztatzaileak: produktuak, aplikazioak, dosifikazioa
Abangoardiako produktu berriak: produktuak, aplikazioak, dosifikazioa

Sarrera eta oinarrizko prozedurak
Nitrogeno likidoa: biltegiratzea, ekipoak, arriskuak eta erabilera-arauak
Nitro eskalfatzea, nitro atomizatzea, nitro zatikatzea, nitro estaldurak
Izotz lehorra: lurrun aromatizatua eta elikagai karbonatatuak
Izoztutako elikagaien prozesadoreak
Izozkia eta izozki-hautsa
Moldeak: moldekatzeko teknikak eta sailkapenak
Hotz negatiboa: izozkailua, abatidorea, izozkiak, supercooling

Hutseko eta presio altuko sukaldaritzaren sarrera
Presioa: sarrera eta makineria hautatzeko faktoreak
Sukaldaritza presio altu, baxu eta kontrolatuetan
Gastrovac, presio-ontzia, Ocoo
Hutsa: makineria eta aplikazioak
Hutsean destiladorea, termostato bidez kontrolatutako bainu-maria, huts-makina, liofilizadorea, konbekzio-labea, Gastrovac
Tenperatura baxuko sukaldaritza, inpregnatzea eta piklatzea, tenperatura baxua presiorik gabe, destilazioa, kontserbazioa

Sarrera, kontzeptua Hartzituaren eta ustelaren arteko aldea Hartzidura basatiak: sarrera eta inguruneak Hartzidura basatiak: alkoholikoak, azetikoak eta heterolaktikoak Inokulatutako hartzidurak: sarrera eta inguruneak Pencillium, aspergillus Orizae, rhizopus Orizae, homolaktikoak, SCOBY kefir, SCOBY kombucha, SCOBY ama-orea

Nori zuzenduta

Abangoardiako Teknika Kulinarikoetako Online Espezializazio Ikastaroa abangoardiako teknika kulinarikoetan espezializatu nahi duten profesionalentzat diseinatuta dago, beren trebetasunak hobetuz eta ezagutza berritzaileak ingurune gastronomiko zorrotzetan aplikatuz. Prestakuntza honen bidez, parte-hartzaileek jatetxe-sektorean duten profila zabalduko dute, ibilbidean aurrera egiteko aukera emango dieten tresna eta metodologietara iritsiz.

1. Chefak, partida-buruak eta sukaldariak

Beraien sorkuntza kulinarikoetarako inspirazioa eta eguneratze teknikoa bilatzen duten profesionalak.
Teknika garaikideei buruzko ezagutzak hobetu nahi dituzten sukaldariak.

2. Gastronomia-sektoreko profesionalak

Teknika garaikideak menderatu eta beren proposamen kulinarikoa aberastu nahi duten profesionalak.
Sukaldaritzako prozesu eta metodo berriak beren jardueran txertatu nahi dituzten profesionalak.

3. Ekintzaile gastronomikoak

Abangoardiako sukaldaritza-prozesu eta metodoak aplikatuz beren negozioa bereizi nahi duten pertsonak.
Proposamen gastronomiko berritzaileak garatu nahi dituzten ekintzaileak.

4. Gastronomiako irakasleak

Edukiak eguneratu nahi dituzten gastronomia-irakaskuntzako profesionalak.
Metodologia eta teknika eguneratuak beren irakaskuntza-praktikara eraman nahi dituzten irakasleak.

Uste duzu zure profila ez datorrela bat ikastaroarekin?

Zure titulazioa edo esperientzia zerrendan ez badago eta interesa baduzu, jarri gurekin harremanetan, zure kasua aztertu eta informazio pertsonalizatua emateko.

Egutegia

Aldiak	Datak	Ordutegia eta informazioa
Ikasturte-aldia	2027ko otsailaren 23tik uztailaren 22ra	Asteko zuzeneko klaseak: ostegunetan, 16:00etatik 17:30era (CEST).
0. modulua · Plataformaren sarrera	Ikasturte-aldiaren hasieran	Ikastaroaren metodologiarekin eta ikaskuntza-plataformarekin ohitzea.
Asteko dedikazioa	Ikasturte-aldi osoan	Gutxi gorabehera astean 12 ordu.
Materialetarako sarbidea	Ikastaroa amaitu ondoren	Ikasgela birtualean eskuragarri dauden edukiak eta materialak ikastaroa amaitu eta hurrengo hiru hilabeteetan egongo dira eskuragarri.

Metodologia

Nolakoa da ikastaroaren dinamika?

Zuzeneko online klaseak. Astero irakasle-taldearekin zuzeneko saioetara joango zara. Bertan teknika zehatzetan sakonduko da eta zalantzak denbora errealean argituko dira.
Masterclassak eta grabatutako erakustaldiak. Sektoreko adituek sortutako eduki ikus-entzunezkoen liburutegi baterako sarbidea izango duzu. Masterclass hauetan abangoardiako sukaldaritza-tekniketatik hasi eta joera berrietaraino lantzen da, azalpen argi eta aplikagarriekin.
Pausoz pausoko bideoak. Teknika, prozesu eta errezeta guztiak tutorial xehatuen bidez aurkezten dira, elaborazio bakoitza zure erritmoan errepikatu ahal izateko. Egitura honek ikaskuntza autonomoa sustatzen du, zure lan-ingurunera egokituta.
Ariketa praktikoak feedback pertsonalizatuarekin. Ikastaroan zehar, ikasitakoan oinarritutako elaborazio propioak garatuko dituzu. Zure emaitzen argazkiak edo bideoak bidali ahal izango dituzu, eta tutore espezializatu baten orientazio indibiduala jasoko duzu, teknika, aurkezpena eta prozesuaren ulermena hobetzen lagunduko dizuna.
Networking- eta komunitate-espazioak. Plataformak foro eta lankidetza-espazioak ditu, esperientziak partekatzeko, zalantzak argitzeko eta sektoreko beste profesionalekin konektatzeko.

Irakasle taldea

Irakasleak eta kolaboratzaileak

Luis Arrufat

Coordinador y profesor de cocina y pastelería de restaurante

Basque Culinary Centerreko sukaldaritza-irakaslea. Bulliko gozogintza-burua izan zen 6 urtez.

Txema Urda

Colaborador

Asociación de Cocineros Granadinos elkarteko kidea da eta prentsako eta ekitaldietako lankidetza ugaritan hartzen du parte. Sukaldaritzako aholkularitza eta jatetxe-zerbitzu pribatuak eskaintzen ditu. Basque Culinary Centerreko ikastaroetan ohiko kolaboratzailea da, halaber.

Alumniak zer dioten

“Esperientzia honi esker, nire ikuspegi gastronomikoa ikuspegi osoago eta eguneratuago batetik birplanteatu ahal izan dut. Gaur proposamen sendoagoak eta zentzu handiagokoak garatzen ditut, I+Gko proiektu berriekin lotutakoak barne. Online prestakuntza zorrotza da, baina ekartzen duen balioak inbertsioa sobera gainditzen du. Zalantzarik gabe, eboluzionatu eta karreran jauzi bat eman nahi duen edozein profesionali gomendatuko nioke.”

Quique Sempere

Espainian eta Ekuadorren ibilbide aitortua duen chefa

“Sukaldaritza beti izan da nire bizitzaren zati garrantzitsu bat, eta online prestakuntza honek urrats bat gehiago emateko eta benetan sakontzeko aukera eman zidan. Esperientzia zorrotza izan da, konstantzia eta konpromisoa eskatzen duena, baina intentsitate hori da, hain zuzen, ikasi eta benetan eboluzionarazten zaituena. Maila goreneko profesionalekin izandako harremana eta etengabeko feedbacka dira benetan aldea markatzen dutenak. Horri esker, proiektu propioak garatu ahal izan ditut, hala nola bazkari-menu bat sortzea, jatetxeetan chef gonbidatu gisa kolaboratzea eta Michelin izarra duten jatetxeetan esperientzia praktikoetan parte hartzea. Zalantzarik gabe, hazten jarraitzera eta zure grina hurrengo mailara eramateko bultzatzen zaituen prestakuntza da.”

Dinis Diogos

Prezioa eta ordainketa

Ikastaroaren prezioa, guztira, 2.310 € da.

Ordaintzeko modua:

150 € online izen-ematea egitean.
864 €, zenbatekoaren % 40, onarpena berresten denean, plaza erreserbatzeko kontzeptuan.
1.296 €, gainerako zenbatekoa, ikastaroa hasi baino lehen ordainduta egon behar duena.

Prezioak barne hartzen du:

Prestakuntza-ingurunerako sarbidea.
Ikaskuntza-plataformarako sarrera-prestakuntza.
Eduki deskargagarriak: errezetak, material teorikoa, etab.
100 showcooking eta masterclass baino gehiago.
Elaborazio eta tekniken pausoz pausoko bideoak.
90 errezeta.
Norberaren sukaldean egiteko jarduerak eta praktikak.
Ikaskuntza-prozesua ebaluatzeko ariketak.
Asteko zuzeneko klasea ostegunetan, 16:00etatik 17:30era (CEST).
Ikaskuntza-prozesuaren tutoretza.
Basque Culinary Centerreko Alumni komunitatean sartzea, ikastaroa gainditu ondoren.
Basque Culinary Centerrek emandako ziurtagiria.

Ikastaroari ondo jarraitu eta bete ahal izateko, produktu eta tresna espezifiko jakin batzuk izan beharko dira. Basque Culinary Centerrek emandako zerrendak ezinbesteko materialak eta aukerakoak bereizten ditu.

BCC Alumni komunitateko kide gisa, gure programetan eta prestakuntza-jardueretan deskonto esklusiboak lortzeko aukera izango duzu. Jarraian, zure aurreko prestakuntzaren arabera eskuragarri dauden abantailak zehazten dira:

GRADUKO EDO MASTERREKO ALUMNI NAIZ

%10eko deskontua Masterretan
%10eko deskontua Espezializazio Ikastaroetan
%10eko deskontua Ikastaro trinkotan, tailerretan, mintegietan eta master classetan
%10eko deskontua WSET Ikastaroetan (1., 2. eta 3. mailak)

ESPEZIALIZAZIO IKASTAROKO ALUMNI NAIZ

%5eko deskontua Masterretan
%5eko deskontua Espezializazio Ikastaroetan
%10eko deskontua Ikastaro trinkotan, tailerretan, mintegietan eta master classetan
%10eko deskontua WSET Ikastaroetan (1., 2. eta 3. mailak)

Deskontoaz baliatzeko, master edo espezializazio ikastaro batean (online edo aurrez aurre) izena eman nahi baduzu, ohiko matrikula-prozesua egin behar duzu. Deskonto-ehunekoa ikastaroaren azken kuotan aplikatuko da eta une horretan jakinaraziko zaizu. Matrikula egin ondoren, Alumni zarela jakinaraz dezakezu helbide honetara idatzita: alumni@bculinary.com. Zure @alumni kontuarekin izena emenez gero, azken urrats hau ez da beharrezkoa izango. Matrikularen prezioa ordainketa bakarrean egiten bada, matrikula egin aurretik jar zaitez harremanetan alumni@bculinary.com helbidearekin, deskontu-kodea eskatzeko eta matrikula-prozesuan sartzeko.

Herritartasunagatik bisa behar bada, C motako bisa (Schengen) eskatu behar da Espainian sartzeko.

Ikasle nazioartekoek dokumentazio ofiziala eraman behar dute bidaian, ikastaroan matrikulatuta daudela egiaztatzen duena, eta kontratatutako osasun-asegurua, Espainiako egonaldian estaldura emango duena.

MASTERRETARAKO BEKAK ETA LAGUNTZAK

Titulazioaren izaera ofiziala dela eta, Espainian legez bizi diren ikasleek beka- edo laguntza publikoen deialdietara aurkeztu daitezke. Era berean, ikasle nazioartekoek finantzaketa eta bekak eskatu ahal izango dituzte jatorrizko herrialdeetan atzerriko ikasketak babesten dituzten erakundeetan.

ERASMUS+ BEKAK

Ikasleek nazioarteko mugikortasun-laguntza bat eskatu ahal izango dute, Erasmus+ programaren esparruan Europan praktikak egiteko.

IKASLEARI ENPLEGAGARRITASUNEAN LAGUNTZA

Ikasleari ikasketetan zehar edo ikasketak amaitu ondoren lana bilatzen laguntzeko, master honetako ikasleek fakultateak jasotzen dituen lan-eskaintzen berri izango dute.

Era berean, egonaldian ikasketa-lan bekak eskatu ahal izango dituzte, Fakultateak eskaintzen dituenak, eta zerbitzuak eman hainbat departamentutan: I+G, operazioak, kafetegia, etab.

Abangoardiako Teknika Kulinarikoak (Online)