PROIEKTUARI BURUZ

«Bazterkin» deitu ohi ditugun horiek beren ezaugarri propioak dituzten kalitatezko lehengaitzat hartuz, balio gastronomikoa duten produktuak prestatzeko erabiltzen dira. «Hondakin» bakoitzaren osaera espezifikoa kontuan izanik, produktu zehatzak prestatzen dira, esate baterako: ozpinak, fruta-azalak erabiliz; kombuchak, kafe-hondarrak erabiliz; saltsa hartzituak eta misoak ogi gogorrarekin. Hori egiteko, ulertzen dugu produktu bakoitzaren osaera balia dezakegula (proteinak, hidratoak, etab.) emaitza berriak sortzeko.